Mateo 13:57 - Kashibo-Kakataibo Biblia

⁵⁷ Usai canani ami nishcëxun isquin ca Jesusan atu cacëxa: —An Nucën Papa Dios quicë bana uni ñuixuncë unían bana ñuixunia ca unin cuatia. Usa ꞌaínbi ca axa anuax canicë unían anuaxa canicë menuxun bana ñuixunia, anu ꞌicë unicama ꞌimainun aín aintsi ꞌibucamanribi cuaisama tania.

Nukën 'Ibu Diosan ain unikama 'inan ain bana

⁵⁷ Usai canani ami nishcëxun isquin ca Jesusan atu cacëxa: —An Nucën Papa Dios quicë bana uni ñuixuncë unían bana ñuixunia ca unin cuatia. Usa 'aínbi ca axa anuax canicë unían anuaxa canicë menuxun bana ñuixunia, anu 'icë unicama 'imainun aín aintsi 'ibucamanribi cuaisama tania.

Mateo 13:57 ပူးပေါင်းရင်းမြစ်များ

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Isaías 8:14

Ax ka mitsunan achúshi ñu ami ꞌia ñu biti nankë usa ꞌiti ꞌikën; ꞌianan ka maxá ami tatíkia uni chakákë usaribi ꞌiti ꞌikën, usa ꞌain ka ami Israel ñaká rabë́ ax ꞌiti ꞌikën; usai ka ami ꞌia ñu biti nankë usaribi ax ꞌain ami Jerusalénnu tsókë unikamax ꞌiti ꞌikën.

Mateo 11:6

Usaquin canan camina, ꞌë ñui Nucën Papa Diosan xucëma ca ax ꞌicë quima, ax ꞌëmi sináncë unicamax ca chuámarua ꞌi cuëënia quixunribi Juan cai cuanti ꞌai —quixun ca Jesusan Juanën xucë unicama cacëxa.

Mateo 13:58

Usaquian Jesús quicësabi oquin ca anu ꞌicë unicaman —an ca asérabi Nucën Papa Diosan cushínbi ñu ꞌaia —quixun sinánma ꞌicën. Usa ꞌain ca Jesusan ꞌitsa ñu ꞌaquinma uni itsían ꞌacëma ñu ꞌitsamashi ꞌacëxa.

Marcos 6:1

Anuax cuanx ca Jesús anuaxa canicë me anu cuancëxa. Cuancëbë ca aín ꞌunánmicë unicama abë cuancëxa.

Marcos 6:14

Usa ꞌain ca uni itsían ꞌacëma ñua Jesusan ꞌaia unicaman chaniocëxa. Chanioia cuati ca Galileanu ꞌicë ꞌapu, Herodes, quiacëxa: —Ax ca Juan, an uni nashimicë, a ꞌicën. Bamaxbi ca baísquiaxa. Usa ꞌixun ca uni itsían ꞌacëma ñu ꞌaia.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Marcos 6:4

Ami nishcëxun ca Jesusan atu cacëxa: —An Nucën Papa Dios quicë bana uni ñuixuncë unían bana ñuixunia ca unin cuatia. Usa ꞌaínbi ca axa anuax canicë unían, anuaxbia canicë menuxun bana ñuixunia, anu ꞌicë unicama ꞌimainun aín aintsi ꞌibucama ꞌimainun axa aín xubunu ꞌicëcamanribi cuaisama tania.

Lucas 4:24

Canan ca Jesusan cacëxa: —Mitsun usaquin ꞌë cati sináncë ꞌaínbi cana asérabi mitsu cain, an Nucën Papa Dios quicë bana uni ñuixuncë unían, anuaxa canicë menuxun bana ñuixunia, ca anu ꞌicë unicaman cuaisama tania.

Lucas 7:23

Usaquin canan camina, ꞌë ñui Nucën Papa Diosan xucëma ca ax ꞌicë quima ax ꞌëmi sináncë unicamax ca chuámarua ꞌi cuëënia, quixunribi Juan cai cuanti ꞌai —quixun ca Jesusan Juanën xucë unicama cacëxa.

Juan 4:44

Cuanux ca quiacëxa: —An Nucën Papa Dios quicë bana unicama ñuixuncë uni a ca anuaxa canicë nëtënu ꞌicë unicaman aín bana cuaisama tania.

Juan 6:42

quicancëxa: —¿Josénën bëchicë, Jesús, ama cara ënëx ꞌic? Nun cananuna aín tita ꞌimainun aín papa ꞌunan. ¿Uisacatsi cara —ꞌëx cana naínuax uan —quiax quin?

Juan 6:61

Usaía canania ꞌunánquin ca Jesusan cacëxa: —¿Mitsúnmi cuacëx cara ënë bana cuaisama ꞌic?