Mateo 13:44 - Kashibo-Kakataibo Biblia

⁴⁴ Catancëxun ca Jesusan ësaribi oquin aín ꞌunánmicë unicama cacëxa: —Nucën Papa Dios naínu ꞌicë an cara ainan ꞌiti unicama uisoquin ainan ꞌimiti ꞌicë quixun ñui cana ꞌaisamaira cupícë ñu ñui ësai quin: Achúshi unin ca ꞌaisamaira cupícë ñu, me ꞌucë mëu uni itsían unëa, mëraxa. Mëraquin ca —ꞌënan ca ꞌiti ꞌicë —quixun sinani cuëënquin maputëcëanxa. Mapubiani cuanquin ca aín ñucama anun a me maruti curíqui binuxun maruaxa. Marutancëx curíqui bëi utëcënquin ca a me ainan ꞌinun maruaxa. Usaribiti ca uni bëtsi ñu cuëëncësamaira oi Nucën Papa Diosnan ꞌiti cuëënia.

Nukën 'Ibu Diosan ain unikama 'inan ain bana

⁴⁴ Catancëxun ca Jesusan ësaribi oquin aín 'unánmicë unicama cacëxa: —Nucën Papa Dios naínu 'icë an cara ainan 'iti unicama uisoquin ainan 'imiti 'icë quixun ñui cana 'aisamaira cupícë ñu ñui ësai quin: Achúshi unin ca 'aisamaira cupícë ñu, me 'ucë mëu uni itsían unëa, mëraxa. Mëraquin ca —'ënan ca 'iti 'icë —quixun sinani cuëënquin maputëcëanxa. Mapubiani cuanquin ca aín ñucama anun a me maruti curíqui binuxun maruaxa. Marutancëx curíqui bëi utëcënquin ca a me ainan 'inun maruaxa. Usaribiti ca uni bëtsi ñu cuëëncësamaira oi Nucën Papa Diosnan 'iti cuëënia.

Mateo 13:44 ပူးပေါင်းရင်းမြစ်များ

Proverbios 23:23

ꞌAisamaira ñu ꞌunámikin, ꞌësëkë ꞌixun kamina bëtsi ñu ꞌakin uisa ꞌixunbi a manutima ꞌain.

Isaías 55:1

“Kamabi axa shimakë akamax ka ꞌumpax xëai uti ꞌikën; ꞌimainun ka uikamax kara kuríkiñuma akamanribi, atun piti trigo kupíokinmashi biti ꞌikën; bianan ka uvas baka vino ꞌakë a ꞌimainun vaca xuma aribi añubi kupíokinma biti ꞌikën.

Mateo 13:24

Bana itsi ñuicësoquin ñuixunquin ca Jesusan anu ꞌicë unicama ësaquinribi cacëxa: —Nucën Papa Dios naínu ꞌicë an ainan ꞌiti unicama ainan ꞌimiti ax ca ësaribi ꞌicën. Achúshi unin ca ñu bëru upí aín naënu ꞌapáxa.

Mateo 13:46

Bariquin mëraxun biisa tani ca anun maruti curíqui binuxun aín ñucama marui cuanxa. Cuanxun maruquin curíqui bitancëx utëcënquin ca a perla ꞌaisamaira cupícë, ainan ꞌinun maruaxa. Usaribi oi ca uni bëtsi ñu cuëëncësamaira oi Nucën Papa Diosnan ꞌiti cuëënia.

Mateo 13:47

Catancëxun ca Jesusan ësaribi oquin cacëxa: —Nucën Papa Dios naínu ꞌicë an cara uisoquin ainan ꞌiti unicama aín uni ꞌimiti ꞌicë quixun ñui cana rica anun tsatsa biti ñui ësai quin. An tsatsa bicë unicaman ca aín rica bacanu saracabianquin anun ñu bëaratia. Usotancëxun ca anua cëñúruia tsatsa ꞌaisamaira bitsia.

Mateo 19:21

Cacëxun ca Jesusan cacëxa: —Mix Nucën Papa Dios cuëëncësabi oi ꞌiisa tanquin camina cuanxun min ñucama maruquin curíqui bixun ñuñuma unicama ꞌinánti ꞌain. Usotancëx camina mix ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Mateo 19:27

Usaquian atu cacëxun ca Pedronën Jesús cacëxa: —Nun cananuna mibë ninuxun nun ñucama ëan. ¿Usa ꞌain caranuna Nucën Papa Diosan nëtënu ꞌaish uisa ñuñu ꞌiti ꞌain?

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 6:21

Uisa ñun cara cuëënia, a ñuishi ca unin sinania. Axa ënë nëtënu ꞌicë ñuñu ꞌiti cuëëncë unin ca a ñuñu ꞌitishi sinania. Usa ꞌaínbi ca an Nucën Papa Diosan a cupíoquin aín nëtënuxun chuámarua ꞌimiti cuëëncë uni an Nucën Papa Dios cuëënun ax cuëëncësabi oquin ꞌatishi sinania.

Lucas 14:33

Usaquin ñuiquin cana ësaquin mitsu ꞌunánmin, an ax cuëëncësari ꞌiti ëinsama tanan aín ñucama cuëënquin ëinsama tancë uni ax ca ꞌën uni ꞌitima ꞌicën.

Juan 6:35

Cacëxun ca Jesusan atu cacëxa: —ꞌËx cana anúan uni asérabi upiti tsóti a ꞌain. Panánxun piisa tanan shimaxun ꞌunpax ꞌaisa tania uni bënë́cë, usaribitia ax Nucën Papa Diosbë upí ꞌiisa tani bënë́cë uni, ax ca ꞌëmi catamëti amiribishi bënë́tëcëntima ꞌicën.

Romanos 15:4

Cananuna ꞌunánti ꞌain, Nucën Papa Diosan ca nunribinu a ꞌunánti oquin aín bana aín unicama cuënëomiacëxa. Usa ꞌain cananuna a banacama cupí ꞌunánti ꞌain, nux Cristomi cushicë ꞌicë ca tëmëraquinbi ëníma ami catamënun ꞌimianan, uisa ñu cara ꞌicëbëtanbi nu bërúanquin ꞌaquianan, aín nëtënu abë ꞌinun Nucën Papa Diosan nu ꞌimia quixun.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Hebreos 10:34

Usa ꞌixun camina Jesucristomi catamëcë cupía sipuacë unicama nuibaquin ꞌaquiancën. Mitsumi nishquian mitsun ñu bicancëbëbi camina masá nuitutíma usabi cuëëancën. —Ënë nëtënuax ñuñu ꞌaish cuëëncësamaira oi cana Nucën Papa Diosnan ꞌaish aín nëtënu nëtë́timoi abë ꞌiti ꞌai —quixun sinani camina cuëëancën.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.