Mateo 13:41 - Kashibo-Kakataibo Biblia

⁴¹ ꞌËx uni ꞌinux Nucën Papa Diosnuax uá ꞌixun ꞌën ángelcama xucëxun ca an ñu ꞌaisama ꞌacë unicama ꞌimainun an bëtsi uni ñu ꞌaisama ꞌanun ꞌamicë unicamaribi bitancëxun

Nukën 'Ibu Diosan ain unikama 'inan ain bana

⁴¹ 'Ëx uni 'inux Nucën Papa Diosnuax uá 'ixun 'ën ángelcama xucëxun ca an ñu 'aisama 'acë unicama 'imainun an bëtsi uni ñu 'aisama 'anun 'amicë unicamaribi bitancëxun

Mateo 13:41 ပူးပေါင်းရင်းမြစ်များ

2 Samuel 23:6

ꞌAínbi ka kamabi unían ꞌatima ñu ꞌatishi kuëënkë unikama ax muxañu i usaribi ꞌikë anuaxa këñunun amo bukúnkë usaribi a unikamax ꞌiti ꞌikën usa ꞌikë ka unin mëkënan mëëkinmabi isëshikësa usaribi ꞌiti ꞌikën.

Mateo 13:49

Usaribi ca anun ꞌëx utëcënti nëtë ꞌinuxun ꞌaia. ꞌËx utëcëncëbë uquin ca ángelcaman unicama Nucën Papa Diosan iscëx upí ꞌicë acama abë ꞌinun bianan an iscëxa upíma ꞌicë unicama bixun,

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Mateo 3:12

An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Marcos 13:27

ꞌËx uquin cana ꞌën ángelcama xuquin ꞌënan ꞌinun ꞌën caíscë unicama camabi menua, naínuaribi ꞌëbëa ꞌinun timë́minuxun ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Apocalipsis 21:27

Usa ꞌain ca anu ñu ꞌaisama ꞌitima ꞌicën, ui unix cara ꞌaisama ñu ꞌacë ꞌicë ꞌimainun ui unix cara cëmëia, usa unix ca anu ꞌitima ꞌicën. Ui unicamax cara Nucën Papa Diosan nëtënu ꞌitioquin aín anë Carnero ꞌicësaribitia unin ꞌucha cupí bama, aín quiricanu cuënëo ꞌicë, acamax cuni ca anu ꞌiti ꞌicën.