Mateo 13:39 - Kashibo-Kakataibo Biblia

³⁹ An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Nukën 'Ibu Diosan ain unikama 'inan ain bana

³⁹ An chucu 'apácë uni asaribi ca ñunshin 'atimanën 'apu 'icën. Anun bimi biti nëtë ñuiquinbi cana 'ëx utëcënti nëtë ñui quian. An bimi bicë unicama asa ca ángelcama 'icën.

Mateo 13:39 ပူးပေါင်းရင်းမြစ်များ

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Joel 3:13

Atux ka ꞌatima ñuira ꞌakë unibu ꞌikën, usa ꞌikë ka trigo bimi pëkë́kë tëakin bikësaribi okin ꞌati ꞌikën; usa ꞌain ka anun biti nëtë ꞌikëbëtan bikëxa trigo bimi nëtë́kë usaribi okin ꞌanan, uvas bimi aín baka vino ꞌati bitishi ꞌikë chakakë usaribi okin ꞌakánti ꞌikën.

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 13:25

ꞌApánbi ca camabi uníxa ꞌuxan, anu cuanxun axa ami nishcë achúshi unin a naënu ñu bëru ꞌaisama ꞌapáxa, ꞌapábiani ca cuanxa.

Mateo 13:28

Cacëxun ca aín ꞌibun caxa: Axa ꞌëmi nishcë unin ca usaquin ꞌaxa. Cacëxun ca an ñu mëëxuncë unicaman caxa: ¿Nunu a chucu ꞌaisamacama bëchiti cuanti cara uisa ꞌiti ꞌic?

Mateo 13:40

Anun ñu bimi biti nëtë́an unin chucu pain bëchítancëxun tsin nëënti nëtë usaribi ca anun ꞌëx utëcënti nëtë ꞌiti ꞌicën.

Mateo 13:49

Usaribi ca anun ꞌëx utëcënti nëtë ꞌinuxun ꞌaia. ꞌËx utëcëncëbë uquin ca ángelcaman unicama Nucën Papa Diosan iscëx upí ꞌicë acama abë ꞌinun bianan an iscëxa upíma ꞌicë unicama bixun,

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

1 Corintios 10:11

Nucën raracama usai ꞌiá, anu nun Jesucristomi catamëti ainan ꞌixun ꞌunánun ca Nucën Papa Diosan Moisés cuënëomiacëxa.

2 Corintios 11:3

Ax cëmëti ꞌunan ꞌixun ca runun Eva paráncëxa. Usaribi oquin sapi ca anu ꞌicë unicaman mitsu parania quixun cana ꞌitsa sinanin. Cristomi asérabi upiti catamëcë ꞌixunbi sapi camina bëtsi oquin sinánquin aín bana ënti ꞌai quixun cana sinan.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 9:26

ꞌItsai atsínux ca ꞌitsai bama ꞌitsíanxa. Usa ꞌaínbi ca Cristo aín uti nëtë sënë́ncëbë uni ꞌinux uá ꞌaish bamatsianxmabi achúshitishi unin ꞌucha cupí bamacëxa.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 19:20

ꞌAcanánia ca ñuinacanꞌëo acëñun a rabiquian Nucën Papa Dios rabixunma ꞌanun quixun an unicama paráncë ñuinacanꞌëo aribi bicanxa. An usoquin unicama paráncë ñuinacanꞌëo ax ca an bëtsi ñuinacanꞌëo ꞌitsa maxcáñu an ismainun unin ꞌacëma ñu ꞌaquin uni paran a ꞌiaxa. Ax ca an ꞌitsa maxcáñu ñuinacanꞌëonan ꞌicë ꞌunántioquin cuënëocë unicama, ꞌimainun an a tanquin ꞌacë ñu rabicë, acama paran a ꞌiaxa. ꞌAcananquin bitancëxun ca a ñuinacanꞌëo rabë́ ꞌianëmëꞌëosa manë tsi anuaxa azufre ꞌimainun manë tsi rëquirucë anu ꞌinun niaxa.