Mateo 13:32 - Kashibo-Kakataibo Biblia

³² Mostaza bëru ax ca chamaratsuira ꞌicën, bëtsi ñu bëru chamaratsusamaira ca ax ꞌicën, ꞌaíshbi ca ꞌapácëx bëtsi ñu bëru canicësamaira ꞌia. Usa ꞌaísha cani iisaribi ꞌinun pëñanacëcëbëtan ca manan nuáncë ñuinacamax anu nooi aia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.

Nukën 'Ibu Diosan ain unikama 'inan ain bana

³² Mostaza bëru ax ca chamaratsuira 'icën, bëtsi ñu bëru chamaratsusamaira ca ax 'icën, 'aíshbi ca 'apácëx bëtsi ñu bëru canicësamaira 'ia. Usa 'aísha cani iisaribi 'inun pëñanacëcëbëtan ca manan nuáncë ñuinacamax anu nooi aia. Usaribiti ca Nucën Papa Diosan unicamax 'itsamashi pain 'iaxbi 'itsaira 'itánun uatia.

Mateo 13:32 ပူးပေါင်းရင်းမြစ်များ

Salmos 104:12

ꞌImainun ka a bakakama kuëbi axa nuánkë ñuina pëchiukaman atun na ꞌaia; ¡usakin ꞌatankëx ka i pëñankama aín xama manánuax tsótax banaia!

Daniel 4:12

Ax ka aín pëchikama upíira ꞌianan, ꞌaisamaira ꞌinun bimikë ꞌiaxa, usa ꞌaish ka kamaxunbi pitibëtan sënën aín bimi ꞌiaxa. Kamabi ñuinanëx ka aín tupëonkënu ꞌiaxa, ꞌimainun ka aín pëñan kamanu ñuina pëchiu kaman nóopa buinkë ꞌiaxa, usa ꞌain ka kamabi menu ꞌikë unikama ꞌimainun ñuinakamaribi a imi katamëti tsókë ꞌiaxa.

Marcos 4:30

Amiribishi ñuitëcëni ca Jesús quiacëxa: —¿Nucën Papa Diosan cara ainan ꞌiti unicama uisoquin aín uni ꞌimiti ꞌic? ¿Uisa ñu itsiribi ñui caranuna a ñui quiti ꞌain?

Marcos 4:32

ꞌaíshbi ca ꞌapácëx bëtsi ñu bëru canicësamaira ꞌia. Usa ꞌaísha cani pëñanacëtiira chacëbë ca manan nuáncë ñuina aín pëían tupë́oncënu na otancëx anu bucuia. Usaribiti ca Nucën Papa Diosan unicama ꞌitsamashi pain ꞌiaxbi ꞌitsaira ꞌitánun uatia.

Lucas 13:18

Jesusan ca ësaquinribi cacëxa: —¿Nucën Papa Diosan cara ainan ꞌiti unicama uisoquin ainan ꞌimiti ꞌic? ¿Uisa ñuribi ñui caranuna a ñui quiti ꞌain?

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Hechos 21:20

Usaquian Pablonën ñuixuncëxun ca —asábi ca —quixun caquin Nucën Papa Dios rabiacëxa. Rabitancëxun ca Pablo ësaquin cacëxa: —Asábi ca. Usa ꞌaínbi camina ꞌunanin, ꞌaisamaira judíos unicamax ca Jesúsmi sinánxa. Sinánxunbi ca ësaquinribi sinania, Moisésnëan usai judíos unicama ꞌiti cuënëo bana quicésabi oi cananuna ꞌiti ꞌai quixun.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.