Mateo 13:27 - Kashibo-Kakataibo Biblia

²⁷ Usaía coia isibiani cuanxun ca an ñu mëëxuncë unicaman aín ꞌibu ësaquin caxa: Min camina min naënu ñu bëru upí ꞌapan. ¿Usa cat? ¿Usa ꞌaínbi cara chucu ꞌaisama uisax coax?

Nukën 'Ibu Diosan ain unikama 'inan ain bana

²⁷ Usaía coia isibiani cuanxun ca an ñu mëëxuncë unicaman aín 'ibu ësaquin caxa: Min camina min naënu ñu bëru upí 'apan. ¿Usa cat? ¿Usa 'aínbi cara chucu 'aisama uisax coax?

Mateo 13:27 ပူးပေါင်းရင်းမြစ်များ

Mateo 13:25

ꞌApánbi ca camabi uníxa ꞌuxan, anu cuanxun axa ami nishcë achúshi unin a naënu ñu bëru ꞌaisama ꞌapáxa, ꞌapábiani ca cuanxa.

Mateo 13:26

Usa ꞌain ca ñu bëru ꞌapácë ax upí ꞌaish coi canitancëx bimiaxa. Bimiñu ꞌaínbi ca ñu bëru ꞌaisama axribi coi caniaxa.

Mateo 13:28

Cacëxun ca aín ꞌibun caxa: Axa ꞌëmi nishcë unin ca usaquin ꞌaxa. Cacëxun ca an ñu mëëxuncë unicaman caxa: ¿Nunu a chucu ꞌaisamacama bëchiti cuanti cara uisa ꞌiti ꞌic?

Mateo 20:1

Ësaquinribi ca Jesusan aín ꞌunánmicë unicama cacëxa: —Nucën Papa Diosan uni ainan ꞌimiti ax ca ësaribi ꞌicën: Achúshi unix ca aín naë anu uvas ꞌapácëñu ꞌiaxa. Usa ꞌaish ca pëcaracëma ꞌaínshi, an a naë mëníoti uni bari cuanxa.

Romanos 16:17

ꞌËn xucë́antu, cana mitsu cain, bëtsi bëtsi unix Jesucristomi catamëcë ꞌaish mitsubë timë́cë ꞌixunbi ca an mitsu bana ñuixuncë unin ꞌunánmicësabi oquin ꞌaima. Usa unin ca uni raíri bëtsibë bëtsibë cuëbicanánmiquin ꞌatimaquin sinánun ꞌimia. Usai ꞌicë uni abë camina nitima ꞌain. Abë camina ënánanti ꞌain.

1 Corintios 16:10

ꞌËn ꞌacësaribi oquin ca Timoteonën Nucën ꞌIbu Jesucristo ñuiquin unicama bana ñuixunia. Usa ꞌain camina axa bëbaia upí oquin biti ꞌain, mitsubë ꞌaísha upí oquin sinani cuëënun.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

2 Corintios 6:4

Bëtsi bëtsi onan numi nishquin unin tëmëramicë ꞌianan uisa ñu cara ꞌicëbëbi bënë́quinma tanshiquin Nucën Papa Diosan bana ñuixunia isquin ca camabi unin ꞌunánti ꞌicën, nux cananuna asérabi Nucën Papa Diosan uni ꞌai quixun.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.