Mateo 13:23 - Kashibo-Kakataibo Biblia

²³ Me upí anua ñu bëru nipacëcë usaribi ca raíri unicama ꞌicën. A unicamax ca Nucën Papa Diosan bana asérabi cuaquin a bana quicësabi oquin ꞌacë ꞌaish me upínu ꞌapácë ñu bëru, axa coi canitancëxun upí oquin tuacë, asaribi ꞌia. Raírinëx ca ꞌitsaira, cien, bimiñusa ꞌia, ꞌimainun ca raírinëxribi ꞌitsa, sesenta, bimiñusa ꞌia, ꞌimainun ca raírinëxribishi ꞌitsamashi, treinta, bimiñusa ꞌia.

Nukën 'Ibu Diosan ain unikama 'inan ain bana

²³ Me upí anua ñu bëru nipacëcë usaribi ca raíri unicama 'icën. A unicamax ca Nucën Papa Diosan bana asérabi cuaquin a bana quicësabi oquin 'acë 'aish me upínu 'apácë ñu bëru, axa coi canitancëxun upí oquin tuacë, asaribi 'ia. Raírinëx ca 'itsaira, cien, bimiñusa 'ia, 'imainun ca raírinëxribi 'itsa, sesenta, bimiñusa 'ia, 'imainun ca raírinëxribishi 'itsamashi, treinta, bimiñusa 'ia.

Mateo 13:23 ပူးပေါင်းရင်းမြစ်များ

Ezequiel 18:31

Usa ꞌain kamina kamabi ñu ꞌatima ꞌën kuëënkëma mi ꞌakë a ënkanti ꞌain, usakin ëni kamina upíokin sinani kuëëni tsókanti ꞌain. ¿Uisa kupín kara Israel unikama bamati ꞌikën,

Ezequiel 36:26

usakin ꞌakin kana ꞌën mitsux ꞌatimati tsókë a mëníokanun ꞌimianan upíokin sinanimi tsónun ꞌimiti ꞌain. ꞌImikin kana mitsun nuitu iruarakë a ëmikin mitsun nuitu ñu bachusa ꞌaimi ꞌën kakëxun ꞌën bana kuanun ꞌimiti ꞌain.

Mateo 12:33

Ca ësa ꞌicën: Upí i ꞌapácëx ca aín bimi upí ꞌiti ꞌicën. I ꞌaisama ꞌapácëx ca aín bimi ꞌaisama ꞌiti ꞌicën. Aín bimi isquin ca unin ꞌunánti ꞌicën, a i cara upí ꞌicë, cara ꞌaisama ꞌicë quixun. Usaribi oquin camina ꞌën ñu ꞌaia isquin ꞌunánti ꞌain, uin cushin carana ñu ꞌai quixun.

Mateo 13:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raírinëx aín bimi ꞌitsaira, cien ꞌiaxa, raírinëxribi ca aín bimi ꞌitsa, sesenta ꞌiaxa, raírinëxribishi ca aín bimi ꞌitsamashi, treintaishi ꞌiaxa.

Mateo 3:10

Ca ësa ꞌicën. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Mateo 3:8

Unían mitsux camina asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain.

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Marcos 4:20

ꞌImainun ca bëtsi bëtsi unix me upínua ñu bëru nipacëcësa usaribi ꞌicën. A unicamax ca Nucën Papa Diosan bana cuaquin —a bana quicësabi oi cana ꞌiti ꞌai —quixun aín nuitunën upí oquin sinánquin a bana quicësabi oi ꞌicë ꞌaish, ñu bërúxa me upínuax upiti coi canitancëx upiti bimicësaribi ꞌicën. Raírinëx ca ꞌitsamashi, treinta, bimiñu ꞌia, ꞌimainun ca raírinëxribi ꞌitsa, sesenta, bimiñu ꞌia, ꞌimainun ca raírinëxribishi ꞌitsaira, cien, bimiñu ꞌia.

Lucas 13:9

Usaquin ꞌacëxun sapi ca bari itsin tuati ꞌicën. ꞌAcëxunbia tuaíama camina ꞌë rëmiti ꞌain.

Lucas 8:15

Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Lucas 8:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca aín bimi ꞌitsaira, cien, ꞌiaxa. Usaquin catáncëxun ca Jesusan munuma banaquin cacëxa: —An aín pabitan ënë bana cuacë unin ca aín nuitunënbi sinánquin cuati ꞌicën.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 8:47

Uicamax cara ainan ꞌicë an ca Nucën Papa Diosan bana cuatia. Usa ꞌaínbi camina mitsun, ainanma ꞌixun, Nucën Papa Diosan bana cuatiman.

Hechos 16:14

A xanucama achúshi ca Lidia cacë ꞌiacëxa. Ax ca Tiatira ëmanu ꞌicë xanu ꞌianan, an chupa upí minanën pucucësa marucë ꞌiacëxa. Usa ꞌaish ca ami sinánquin Nucën Papa Dios rabicë ꞌiacëxa. Usa ꞌixuan Pablonën bana ñuia cuatia ca Nucën ꞌIbu Diosan Jesucristomi catamëtía ainan ꞌinun sinánmiacëxa.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

2 Corintios 9:10

Nucën Papa Dios, an ꞌapáti ñu bëru uni ꞌináncë, an ca ꞌapáxuan aín bimi piti oquin uni ꞌinania. Usaribi oquin ca anun uni itsi ꞌaquinti ñu mitsuribi ꞌinánti ꞌicën, camabi nëtë́nmi anun upí oquin uni ꞌaquinun.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

2 Tesalonicenses 2:10

Usonan ca Jesucristomi catamëisama tancë cupía xënibua ꞌaínbi Nucën Papa Diosnan ꞌitima unicama, a atun ꞌucha cupíbi paránuxun uisa ñu cara ꞌaisama ꞌicë abi ꞌati ꞌicën.

Hebreos 4:2

A me anu chuámarua ꞌiti ñui quicë bana a ca nucën raracaman cuacëxa. Cuaquinbi ca —asérabi ca a menunu ꞌinun nu buánti ꞌicë —quixun sinánma ꞌicën. Usa ꞌaish ca a ñuixuan menu bëbama ꞌicën. Anu nucën raracama bëbama ꞌaínbi ca Nucën Papa Diosan nucën rara cásaribi oquin nux Jesucristomi catamëti aín nëtënu abë ꞌinux ië́ti bana ñuiquin nuribi caxa.

Hebreos 6:7

Usa unicamax ca anu ñu ꞌapáti meesaribi ꞌicën. Ësa ca. Nucën Papa Diosan, menu ꞌuí ꞌitsa ꞌibúmicëxun chabócëx ca ñu bëru ꞌimainun unían ꞌapácë ñu cotancëx tapunia, tapúanan ca tuaia. Usaía ꞌinúan Nucën Papa Diosan ꞌimicëxa ꞌia ca an ñu ꞌapácë uni an aín naënu ꞌicë ñu pinuxun bitsia.

Hebreos 8:10

Usa ꞌixunbi cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌën a pain ꞌinan bana sënë́ncëbëtan cana bëtsi bana judíos uni Israel unicama ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman manuquinma sinánan aín nuitu mëu upí oquin ꞌunánun ꞌunánmiti ꞌain. ꞌËx cana aín Dios ꞌaish atúan rabicë ꞌiti ꞌain. ꞌImainun ca atux asérabi ꞌën unicama ꞌiti ꞌicën.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.