Mateo 13:22 - Kashibo-Kakataibo Biblia

²² Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Nukën 'Ibu Diosan ain unikama 'inan ain bana

²² Muxañu menua nipacëcë ñu bëru usaribi ca raíri uni 'icën. A unicaman ca Nucën Papa Diosan bana cuaquin —a bana quicësabi oi cana 'iti 'ai —quixun sinania. Usaquin sinanibi ca ënë menu 'icë ñuishi sinánan —'itsa ñuñu 'aish cana cuëënti 'ai —quixun sinani, 'itsa ñuñu 'iisa tanan bëtsi ñuribi cuëënia. Usa 'aish ca Nucën Papa Diosan sináncëxbi ñu bëru 'apácëa coiabi chucun mapurucësa usaribi 'aish bimiñumasa 'ia.

Mateo 13:22 ပူးပေါင်းရင်းမြစ်များ

Proverbios 23:5

Usa ꞌain ka upíokin min iskë ax bënëtishi tëtëkamë ꞌëo aín pëchi, ꞌirui nuankiani kuankë usaribi ꞌinun nëtë́tia.

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Mateo 13:39

An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Mateo 13:40

Anun ñu bimi biti nëtë́an unin chucu pain bëchítancëxun tsin nëënti nëtë usaribi ca anun ꞌëx utëcënti nëtë ꞌiti ꞌicën.

Mateo 13:7

Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 12:21

Caxun ca Jesusan cacëxa: —Usaribiti ca, Nucën Papa Dios cuëëncësabi oquin ꞌati sinánquinma axbi ñuñu ꞌiti sináncë uni ax ꞌiti ꞌicën.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Lucas 8:14

Muxañu menua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan ꞌitsa ñuñu ꞌaish cuëënti sinani, ñu bërúxa me chucu muxañu menuax aín bimi upiti pëcë́cëma, usaribi a unicama ꞌicën.

Hechos 8:18

Usa ꞌain ca Jesusan aín bana uni ñuixunun caíscë unicaman aín mëcënan ramëcëxëshi ca uni Nucën Papa Diosan Bëru Ñumshin Upíñu ꞌicë quixun isquin curíqui ꞌinántisa tanquin Simonan Pedrocëñun Juan cacëxa:

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.