Mateo 12:4 - Kashibo-Kakataibo Biblia

⁴ Davidnën ca ꞌacëñuma ꞌixun piisa tanquin anuxun Nucën Papa Dios rabiti xubunu atsínxun anu ꞌicë pán, Nucën Papa Diosan isti oquin nancë, a bixun piacëxa. A panëxa judíos sacerdotenëinshi piti ꞌaían uni itsin piti ꞌicëmabi ca sacerdotenën ꞌináncëxun David ꞌimainun abë ꞌicë unicaman piisa tanquin piacëxa.

Nukën 'Ibu Diosan ain unikama 'inan ain bana

⁴ Davidnën ca 'acëñuma 'ixun piisa tanquin anuxun Nucën Papa Dios rabiti xubunu atsínxun anu 'icë pán, Nucën Papa Diosan isti oquin nancë, a bixun piacëxa. A panëxa judíos sacerdotenëinshi piti 'aían uni itsin piti 'icëmabi ca sacerdotenën 'ináncëxun David 'imainun abë 'icë unicaman piisa tanquin piacëxa.

Mateo 12:4 ပူးပေါင်းရင်းမြစ်များ

Mateo 12:3

Cacëxun ca Jesusan cacëxa: —¿Mitsun caramina Davidnën ca ꞌacëñuma ꞌixun axa abë cuancë unicamabëtan ësoquin ñu ꞌacëxa quixun cuënëo bana a iscëma ꞌain?

Mateo 12:5

¿Mitsun caramina judíos sacerdotecama ñui quiá cuënëo bana a iscëma ꞌain? Bëtsi nëtën ꞌacësaribi oquin ca anun ñu mëëtima nëtë́nribi anuxun Nucën Papa Dios rabiti xubunuxun an ꞌati ñucama ꞌacëxa. Usoquin ꞌaíbi ca ꞌuchama ꞌicën.

Marcos 2:26

Abiatar cacë unia judíos sacerdotenën cushicaman ꞌapu ꞌain ca Davidnën ꞌacëñuma ꞌixun piisa tanquin, anuxun Nucën Papa Dios rabiti xubu anu atsínxun anu ꞌicë pán, Nucën Papa Diosan isti oquin nancë, a bixun piacëxa. A panëxa judíos sacerdotenëinshi piti ꞌaían uni itsin piti ꞌicëmabi ca sacerdotenën ꞌináncëxun bixun Davidnën piacëxa. Piquin ca axa abë ꞌicë unicama anribia pinun ꞌináncëxa.

Lucas 6:4

Davidnën ca ꞌacëñuma ꞌixun piisa tanquin anuxun Nucën Papa Dios rabiti xubunu atsínxun anu ꞌicë pán, Nucën Papa Diosan isti oquin nancë, a bixun piacëxa. A panëxa judíos sacerdotenëinshi piti ꞌaían uni itsin piti ꞌicëmabi ca sacerdotenën ꞌináncëxun bixun Davidnën piacëxa. Piquin ca axa abë ꞌicë unicama anribia pinun ꞌináncëxa.

Hebreos 9:2

An Moisés cacësabi oquin ca judíos unicaman tabernáculo ꞌaquin, amo rabë́a aín namë́ ꞌitánun nëbë́tsi chupan bëpáncëxa. Anu paín atsínti anu ca anu lamparín nanti ꞌimainun curi mesa, anu uni itsin pitima pán nancë, acama ꞌiacëxa. Anu uni aín ꞌucha tërë́ncëma ꞌianan upiti mëníocacëma ꞌaish atsíntima ꞌain ca a ꞌiti Cata Upí cacë ꞌiacëxa.

1 Samuel 21:4

Kakëxun ka sacerdotenën kakëxa: —ꞌËn nankë pán ꞌaíshbi ka bëtsi pán kamasama ꞌikë, ax ka sacerdote kamananshi ꞌikën. ꞌAínbi kana min suntárukamaxa xanu aín nami ꞌaíma a ꞌurapain ꞌikë ꞌain mi ꞌinánti ꞌain.

1 Samuel 21:6

Ësokin kakëxun ka sacerdotenën pán upíira nankë a bixun ꞌinánkëxa, anua bëtsi pán ꞌaíma ꞌain, ax ka Nukën ꞌIbu nanxunkë pán ꞌiakëxa, a bixun ka a nëtënbi anua bikë a mesanu bëtsi pán xana bërí ꞌakë nankëxa.