Mateo 12:32 - Kashibo-Kakataibo Biblia

³² Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Nukën 'Ibu Diosan ain unikama 'inan ain bana

³² Axa uni 'inux anuax uá 'ë ñui 'atimati banacë uni a ca Nucën Papa Diosan aín 'ucha tërë́nti 'icën. Usa 'aínbi ca axa aín Bëru Ñunshin Upí ñui 'atimati banacë uni aín 'ucha Nucën Papa Diosan tërënima, bamatancëxribi ca xënibua 'aínbi aín 'ucha tërë́ncë 'itima 'icën.

Mateo 12:32 ပူးပေါင်းရင်းမြစ်များ

Mateo 11:19

Usoquian Juanën ꞌacësoquin ꞌaquinma ꞌën camabi ñu pianan xëaia isquin ca unicaman ësaquin ꞌë ñuia: A unix ca picën tapun ꞌianan xëairacë uni ꞌicën. Ax ca an ꞌapu buánmiti curíqui bicë unicama ꞌimainun ꞌuchañu unicamabë nuibanania —quixun. Usaquian Juancëñun unin ꞌë ñuicëbëbi ca Nucën Papa Dios, an ënë menu unun ꞌë xua, an ꞌacë ñucamax asábi ꞌicën. Usa ca quixun ca axa ami sináncë unicaman ꞌunania.

Mateo 12:31

Usa ꞌain cana mitsu cain, Nucën Papa Diosan ca unin ꞌatima ñu ꞌacë camabi tërë́nti ꞌicën, amia ꞌatimati banacëribi. Usa ꞌaínbi ca axa aín Bëru Ñunshin Upí ñui ꞌatimati banacë uni, a Nucën Papa Diosan aín ꞌucha tërënima.

Mateo 12:8

Uni ꞌinux Nucën Papa Diosnuax uá ꞌixun cana ꞌën anun ñu mëëtima nëtën cara añu ꞌati ꞌicë quixun uni cati ꞌain.

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 13:39

An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Mateo 13:40

Anun ñu bimi biti nëtë́an unin chucu pain bëchítancëxun tsin nëënti nëtë usaribi ca anun ꞌëx utëcënti nëtë ꞌiti ꞌicën.

Mateo 13:55

Ënëx ca carpinteronën bëchicë ꞌicën, ꞌimainun ca aín titax María ꞌicën. Jacobo, José, Simón, Judas acamax ca aín xucën ꞌicën.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Marcos 10:30

a unix ca bëráma ꞌicësamairai ënë nëtënu aín xubu, aín xucën, aín chirabacë, aín tita, aín bëchicë, aín naë a ñucamañu ꞌiti ꞌicën, bëtsi unían ami nishquin ꞌatimomainun. Usai ꞌianan ca Nucën Papa Diosan nëtënu abë nëtë́timoi ꞌiti ꞌicën.

Marcos 3:28

Asérabi cana mitsu cain, Nucën Papa Diosan ca unin ꞌatima ñu ꞌacë camabi tërë́nti ꞌicën, amia ꞌatimati banacëribi.

Marcos 3:29

Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, ax ca usabi tërë́ntimoi ꞌia.

Lucas 12:10

Axa, uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima.

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Lucas 18:30

a unix ca a ëncë ñuñu ꞌicësamaira oi ñuñu ꞌiti ꞌicën. Usai ꞌianan ca Nucën Papa Diosan nëtënu ꞌaish abë nëtë́timoi ꞌiti ꞌicën.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Lucas 7:34

Usoquian Juanën ꞌacësoquin ꞌaquinma ꞌën camabi ñu pianan xëaia isquin ca unicaman ësaquin ꞌë ñuia: A unix ca picën tapun ꞌianan xëairacë uni ꞌicën. Ax ca an ꞌapu buánmiti curíqui bicë unicama ꞌimainun ꞌuchañu unicamabë nuibanania quixun.

Juan 7:12

Bari ñucacanania unicama raírinëx —ax ca upí uni ꞌicë —quicëbëbi ca uni raírinëx, —usama ca. An ca camabi uni parania —quiacëxa.

Juan 7:39

Nucën Papa Diosan Bëru Ñunshin Upí ca axa ami catamëcë unicamanu uti ꞌicë quixuan ꞌunánun ca Jesusan usaquin unicama cacëxa. Ax bamatancëx baísquitancëx naínu cuancëma pain ꞌaían Nucën Papa Diosan aín Bëru Ñunshin Upí aín unicamabë ꞌinun xucëma pain ꞌain ca Jesusan usaquin unicama cacëxa.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Tito 2:12

Nucën Papa Diosan ca nu ꞌunánmia, nux aín uni ꞌaish cananuna abë upí ꞌaish ax cuëëncëma ñu ꞌati ëni, upíshi ꞌianan axa ami sináncëma unicamaxa ꞌicësai ꞌiti sinanima, ꞌianan ami cushicë ꞌixun, añu ñucama nun ꞌati cara cuëënia ashi ꞌati ꞌai quixun.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.