Mateo 12:20 - Kashibo-Kakataibo Biblia

²⁰ Pëcú pëchi sitan oquin pësínpacë a ca xanun ꞌaisama ꞌicë putia. Usa ꞌaínbi ca ꞌën Bëchicënën uni ꞌaisama ꞌaísha ꞌuchañu ꞌaíshbi ainan ꞌiisa tania cuantánun xutima ꞌicën. Lamparín bënabuti cuíncësa ca axa ami sinanibi ami cushiiracëma uni ax ꞌicën. Usa unibi ca ainan ꞌiaxma cuantánun xutima ꞌicën. Anun camabi ñu ꞌaisamacama cëñuti nëtë utámainun ca aín cushínbi ami catamëcë unicama ꞌaquinti ꞌicën.

Nukën 'Ibu Diosan ain unikama 'inan ain bana

²⁰ Pëcú pëchi sitan oquin pësínpacë a ca xanun 'aisama 'icë putia. Usa 'aínbi ca 'ën Bëchicënën uni 'aisama 'aísha 'uchañu 'aíshbi ainan 'iisa tania cuantánun xutima 'icën. Lamparín bënabuti cuíncësa ca axa ami sinanibi ami cushiiracëma uni ax 'icën. Usa unibi ca ainan 'iaxma cuantánun xutima 'icën. Anun camabi ñu 'aisamacama cëñuti nëtë utámainun ca aín cushínbi ami catamëcë unicama 'aquinti 'icën.

Mateo 12:20 ပူးပေါင်းရင်းမြစ်များ

2 Reyes 18:21

ꞌËn kana ꞌunanin Egiptonu ꞌikë unikamami kamina mitsux katamëisa tanin. ꞌAínbi ka usama ꞌikën atux ka uníxa tutishan xo tsënkakin bitsibi ami mënaxkikë usaribi ꞌikën. Usa ka ꞌapu faraón Egipto menu ꞌikë ax ami uni katamëisama ꞌikën.

Salmos 51:17

Mi ñuina ꞌaxun xaroxunkë usamaira ka uin kara Dios ꞌikë; ¡asérabi ain nuitunënbi mi sinania ax ꞌikën usa ꞌikë kamina timaiman! (Ënë banax ka Davidtan kuënëomasa ꞌikën, usa ꞌaish ka bëtsi menu buánkë ꞌixuan uni itsin kuënëosa ꞌikën Jerusalén ëma anun kënëkë kënë rurupa ꞌain.)

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Mateo 11:7

Juan, an unicama nashimicë, aín unicama cuancëbëtan ca Jesusan anu ꞌicë unicama ꞌaisamaira ꞌicë Juan ñuiquin ësaquin cacëxa: —¿Uisa uni isi caramina mitsux anu uni ꞌicëma menu cuancën? Bëtsi bëtsi oquin sináncë uni ax ca tutísha suñun bëcacësa ꞌicën. ¿Usa uni isi caramina cuancën?

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 2:7

Usaquin ꞌacëxa sinanatia camina aín ꞌacë ñu manuquin a nuibaquin aín masá nuitucë nëtë́miquin, upí oquian sinánun ꞌaquinti ꞌain, axa ꞌaisamaira masá nuituti rabanan.

Apocalipsis 6:2

Quicëbëtan isquin cana achúshi caballo uxua chiquitia isan. Axa a caballonu tsócë unin ca canti achúshi tuíanxa. Tuíanx uquin Nucën Papa Diosan ꞌináncëxun biquin, ꞌapúan mañucë mañuti mañutancëx ca axa ami nishcë unicama ñusmoi abë ꞌacanani cuanxa.