Mateo 12:14 - Kashibo-Kakataibo Biblia

¹⁴ Usocëbë chiquíquiani cuanx ca fariseo unicama Jesús ñui uisoxun ꞌati cara quiax ꞌësë́nancëxa.

Nukën 'Ibu Diosan ain unikama 'inan ain bana

¹⁴ Usocëbë chiquíquiani cuanx ca fariseo unicama Jesús ñui uisoxun 'ati cara quiax 'ësë́nancëxa.

Mateo 12:14 ပူးပေါင်းရင်းမြစ်များ

Mateo 26:4

Anu timë́ax ca —ꞌanuxun caranuna uisoxun Jesús unían ꞌunánunmaishi biti ꞌai —quiax ꞌësë́nancëxa.

Mateo 27:1

Pëcaracuatsincëbë ca judíos sacerdotenën cushicamabë ampan caniacëcë unicamax timë́ax Jesús ꞌacatsi quiax ꞌësë́nancëxa.

Marcos 14:1

Anun carnero ꞌati ꞌianan anun chamiti ñucëñunma ꞌacë pán piti nëtë ꞌitia rabë́ nëtë ꞌain ca judíos sacerdotenën cushicamabëtan an Moisésnën cuënëo bana ꞌunáncë unicaman, uisaxun caranuna ꞌanuxun Jesús, unicaman ꞌunánunmaishi, biti ꞌai quiax canancëxa.

Marcos 3:6

Usocëbë chiquíquiani cuanx ca fariseo unicama axa Herodesmi sináncë unicamabëtan Jesús ñui, uisoxun ꞌati cara quiax ꞌësë́nancëxa.

Lucas 22:2

ca judíos sacerdotenën cushicama ꞌimainun an Moisésnën cuënëo bana ꞌunáncë unicama Jesús ꞌacatsi quixun sinanibi —ꞌapuma unicamax ca aín bana cuacë ꞌaish numi nishti ꞌicë —quixun sinani atumi racuë́quin uisoxun ꞌati cara quixun sinani ꞌësë́nancëxa.

Lucas 6:11

Usaquian ꞌaia isi xuamati nishi ca uisa caranuna Jesús oti ꞌai quiax ꞌësë́nani canancëxa.

Juan 10:31

Usaquian cacëxun ca judíos unicaman anun rëcatsi quixun maxax biacëxa.

Juan 10:39

Usaquin cacëxuan biisa tancancëxbi ca anuax cuani nëtë́acëxa.

Juan 11:53

Usaquian cacëx ca a nëtën judíos ꞌapucamax Jesús ꞌacatsi quiax ꞌësë́nancëxa.

Juan 11:57

Usa ꞌain ca sacerdotenën cushicamabëtan fariseocamanribi anu ꞌicë unicama —Jesús mëraquin camina nun nu binun nu cati ꞌai —quixun cacë ꞌiacëxa.

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 7:30

Usaquian cacëxun sipuanuxun biisa tanquinbi ca anúan a unin biti nëtëa sënë́ncëma pain ꞌain achúshira unínbi biáma ꞌicën.

Juan 7:32

Ësaía ꞌaisamaira uni Jesús ñui quia ca fariseo unicaman cuacëxa. Cuan ca acamabëtan judíos sacerdotenën cushicaman sipuanuinsa bitánun quixun aín suntárucama xuacëxa.

Juan 7:44

Usaquin sinánquin ca bëtsi bëtsi unin sipuanuxun biisa tanquinbi Jesús biáma ꞌicën.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.