Mateo 12:10 - Kashibo-Kakataibo Biblia

¹⁰ Anu ca uni achúshi aín mëcën amo ꞌicë bamacë ꞌiacëxa. A uni isquin ca fariseo unicaman —Jesús, an ca nux quicësama oquin ꞌaia —quiax ami manáncatsi quixun sinánquin —¿anun ñu mëëtima nëtën uni ñucë pëxcuti cara asábi ꞌic? —quixun ñucácëxa.

Nukën 'Ibu Diosan ain unikama 'inan ain bana

¹⁰ Anu ca uni achúshi aín mëcën amo 'icë bamacë 'iacëxa. A uni isquin ca fariseo unicaman —Jesús, an ca nux quicësama oquin 'aia —quiax ami manáncatsi quixun sinánquin —¿anun ñu mëëtima nëtën uni ñucë pëxcuti cara asábi 'ic? —quixun ñucácëxa.

Mateo 12:10 ပူးပေါင်းရင်းမြစ်များ

Isaías 32:6

Usa ꞌain ka unin ꞌatimati tsotia timakin istisama tankë uni ax ꞌatima ñu ꞌatishi banaia; usai ꞌikin ka ñu ꞌatima ꞌati sinánkin uisakin kara ñu ꞌatimaira ꞌakin a tanti bana kikësokin ꞌakinma bëtsi uni ꞌati ꞌikë kixun baria, usai ꞌi ka Nukën ꞌIbu ñui këmëi ꞌatimati banaia; usa ꞌixun ka axa ꞌakëñuma nikë unikama abi pananx a isi kuaniabi pimima, ꞌianan ka shimakë unikama aribi xëamima.

Mateo 12:2

Usoia isquin ca fariseo unicaman Jesús cacëxa: —Ca is, anun ñu mëëtima nëtën usaquin ñu ꞌati ꞌaínmabi ca min ꞌunánmicë unicaman usoia.

Mateo 19:3

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Uisai cara ꞌiashia unin aín xanu ënti cara asábi ꞌic?

Marcos 3:2

Usa ꞌicë ca anu ꞌicë fariseo unicaman anun ñu mëëtima nëtën caraisa uni pëxcuia quixun ami manánuxun iscatsi quixun Jesús bërúancëxa.

Lucas 13:14

Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Lucas 20:22

Usa ꞌixun camina nu cati ꞌain, ¿Nucën Papa Diosax asérabi nun cushi ꞌain cara Romanu ꞌicë ꞌapu, César, a curíqui buánmiti asábi ꞌic? ¿Cara asábima ꞌic?

Lucas 23:14

Camicëxa ucë ca cacëxa: —Mitsun, ënë unin ca ꞌatimati banaquin unicama tsuáquirumia quixun cacëxun, cana mitsun ismainunbi a ñucán. Ñucáxun ꞌën iscëxbi ca an uisa ñubi mitsux ami manánquin ꞌë cacë, a ꞌacëma ꞌicën.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Juan 5:10

cuania isquin ca judíos unicaman ꞌinsíncë ꞌaíshbia pëxcúcë uni cacëxa: —Ënë nëtëx ca anun ñu mëëtima nëtë ꞌicën. Ënë nëtën camina anumi racácë ñu ꞌiábiantima ꞌain.

Juan 5:3

Ax ca a tëmú bucuxuan uni ꞌinsíncëcama, bëxuñu ꞌimainun aín niti bëtsicë ꞌimainun racábucë, acaman ángelnëan ꞌunpax cubínmia caíncë ꞌiacëxa.

Juan 7:23

¿Mitsun bëtsi nëtën ꞌacësaribi oquin anun ñu mëëtima nëtë́nribi Moisés quicësabi oquin ꞌati cupí, tuá judío ꞌicë ꞌunánti ocë ꞌaíshbi caramina uisa cupí anun ñu mëëtima nëtën ꞌën uni pëxcucëbë ꞌëmi nishin?

Juan 8:6

Ami manánuxun uisai cara isa quia cuacatsi quixun ca usaquin atun Jesús cacëxa. Cacëx meu bësui tëtúbuxun ca ñucácëxunbi uni caquinma aín mëcën rëbun me cuënëocëxa.

Juan 9:16

Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.