Mateo 11:6 - Kashibo-Kakataibo Biblia

⁶ Usaquin canan camina, ꞌë ñui Nucën Papa Diosan xucëma ca ax ꞌicë quima, ax ꞌëmi sináncë unicamax ca chuámarua ꞌi cuëënia quixunribi Juan cai cuanti ꞌai —quixun ca Jesusan Juanën xucë unicama cacëxa.

Nukën 'Ibu Diosan ain unikama 'inan ain bana

⁶ Usaquin canan camina, 'ë ñui Nucën Papa Diosan xucëma ca ax 'icë quima, ax 'ëmi sináncë unicamax ca chuámarua 'i cuëënia quixunribi Juan cai cuanti 'ai —quixun ca Jesusan Juanën xucë unicama cacëxa.

Mateo 11:6 ပူးပေါင်းရင်းမြစ်များ

Mateo 13:21

Usaquin sinánquinbi ca maparañu menu nipacëcë ñu bëru tapun ꞌitsañuma asaribi ꞌixun Nucën Papa Diosan bana ꞌitsama nëtë́inshi sinania. Sinánquinbi ca anbi masáquin sinánan Nucën Papa Diosan bana ꞌacëbë ami nishquian unin ꞌatimocëxun a bana manuquin ënia.

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 24:10

Unían ami nishquin ꞌatimocëxun ca ꞌitsa unin ꞌëmi catamëti ënti ꞌicën. Usai ꞌi abë nishánanquin ca uni raíri, bëtsi unin ꞌatimonuxun binun ꞌinánti ꞌicën.

Mateo 26:31

Anu cuantancëxun ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Mateo 5:29

Min bëru mëqueu anun ñu isi ꞌatima ñu ꞌati cuëëncë ꞌixunbi camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 7:23

Usaquin canan camina, ꞌë ñui Nucën Papa Diosan xucëma ca ax ꞌicë quima ax ꞌëmi sináncë unicamax ca chuámarua ꞌi cuëënia, quixunribi Juan cai cuanti ꞌai —quixun ca Jesusan Juanën xucë unicama cacëxa.

Juan 16:1

Nucën Papa Diosmi manuaxmami ꞌicánun cana ënë bana mitsu ñuixunin.

Juan 6:66

Usaquian cacëx ca an abë niquin aín bana cuacë unicama ꞌaisamaira ꞌaíshbi raírinëxa tiquimainun raírinëxribi Jesús ëbiani abë nitëcënima cuancëxa.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

Gálatas 5:11

ꞌËn xucë́antu, cana mitsu cain, ꞌën —Nucën Papa Diosan iscëx upí ꞌinux ca uni ꞌunántioracacë ꞌiti ꞌicë —quixun caquin, unicama bana ñuixuncë ꞌaish cana judíos unicaman bëtsi bëtsi ocëma ꞌitsían. I curúsocënuaxa ax bama, Jesucristo, ami catamëtishi ca uni upí ꞌiti ꞌicë quixun a bana ꞌën ñuicëbëma ca uni ꞌëmi nishtsíanma.

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.