Mateo 11:5 - Kashibo-Kakataibo Biblia

⁵ Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Nukën 'Ibu Diosan ain unikama 'inan ain bana

⁵ Cuanxun camina cati 'ain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë 'insínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan 'inux ië́ti bana cuatia.

Mateo 11:5 ပူးပေါင်းရင်းမြစ်များ

2 Reyes 5:14

Ësokian kakëx kuanx ka Naamán mapai achúshi ꞌimainun rabëti Jordán kakë bakanu an Dios kikë bana ñuikë unin kakësabi oi nashi nanëakëxa. Usaía ꞌikëbëshi ka aín nami bërí kanikë unin nami iskësa upíira ꞌinun pëxküakëxa.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

Salmos 22:26

Ñuñuma unikama mitsux kamina, puchákin pitankëx kuëënkanti ꞌain; ainan ꞌixun Dios rabi kamina mitsux, ꞌitsabaritia ꞌimi tsókanti ꞌain.

Éxodo 4:11

ꞌAínbi ka Nukën ꞌIbun Moisés kakëxa: —¿Uin kara uni anúan banati bana ꞌinánkëx? ¿Uinma ꞌën kana an banañuma ꞌianan pabë, bëxuñu ꞌimianan an unikama an upíokin isnun ismikë a ꞌain?

Isaías 43:8

ꞌËn kana ꞌën unikama bëtëkënti ꞌain, atux ka bëruñu ꞌikë ꞌaínbi ka bëxuñusa ꞌikën, ꞌianan ka kuatia, ꞌaínbi ka pabësa ꞌixun bana kuakëmasa oia.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Mateo 10:8

Ñuixuanan camina ꞌinsíncë unicama pëxcüanan uni bamacë baísquimianan an aín nami chëquímicë ꞌinsínñu uni asábi ꞌitëcënun pëxcüanan uninua ñunshin ꞌatima chiquínti ꞌain. ꞌËn cana anúnmi uni ꞌaquinun cushi ꞌinánquin mitsu cupíomicëma ꞌain. Usa ꞌain camina mitsúnmi ꞌaquincë uni cupí ñucátima ꞌain.

Mateo 11:4

Cacëxun ca Jesusan cacëxa: —Camina ꞌën unicama ñuixuniami cuacë banacama ñuixuanan ꞌën ñu ꞌaiami iscëcama ñuixunquin Juan cai cuanti ꞌain.

Mateo 12:13

Catancëxun ca Jesusan, uni aín mëcë́nmi ñucë cacëxa: —Ca mëshpat. Cacëx mëshpatishi ca mëpëxcüacëxa, aín mëcën itsisaribi upí ꞌitánun.

Mateo 21:14

Usaquin catancëx anuax cuancëma pan ꞌixun ca Jesusan bëxuñu unicama ꞌimainun axa aín niti bëtsicë unicamaribi anua aia pëxcüacëxa.

Mateo 5:3

An —ꞌënbi cana ꞌën nuitu upí ꞌimitima ꞌai —quixun ꞌunáncë uni, ax ca ꞌëmi catamëtia Nucën Papa Diosan aín nuitu upí ꞌimianan ainan ꞌimicë cupí, chuámarua tani cuëënia.

Mateo 9:30

Usaquian cacëx ca bënëtishi bëmëniocacëxa. Bëmëniocatia ca Jesusan cacëxa: —Unían ꞌën mi ësoquin ꞌacë ënë ꞌunánxunma ꞌanun camina ui unibi ñuixuntima ꞌain.

Marcos 7:37

Ñuiquian chanioia cuati ca unicamax ratuti quiacëxa: —Camabi ñu ca an upí oquin ꞌaia, pabë unínbi ca an pëxcucëxun cuatia, banañuma uníxbi ca an pëxcucëx banaia.

Marcos 9:25

Ësoquian cacëbëa ꞌitsa uni anu timëtia isquin ca Jesusan ñunshin ꞌatima cacëxa: —Ñunshin ꞌatima, an uni banañuma ꞌimianan pabë ꞌimicë, mi cana cain, ënë tuánuax ca ashiti chiquit. Chiquítancëx camina amiribishi anu utëcëntima ꞌain.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Juan 10:25

Cacëxun ca Jesusan cacëxa: —Cana mitsu can, cacëxunbi camina ꞌëx cana a ꞌai quixun sináncëma ꞌain. ꞌËn Papan cacë ꞌixun ꞌën ñu ꞌaia isquin ca unin, ꞌëx cana Cristo ꞌai quixun ꞌunánti ꞌicën.

Juan 10:38

ꞌËmi sinánquinmabi camina ꞌën, uni itsían ꞌacëma ñu ꞌaia isquin ꞌën Papa Dios ax ca asérabi ꞌëbë ꞌicë quixun ꞌunánan ꞌëxribi cana abë ꞌai quixun ꞌunánti ꞌain.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 9:7

bëshíquin ca cacëxa: —ꞌIan cha, Siloé cacë, anu cuanx ca anuax bëchucatan. Siloé quicë bana ax ca cuanun xucë qui quicë bana ꞌicën. Cacëxëshi cuanx bëchucacuatsini ca bëpë́xcüax uacëxa.

Hechos 2:22

Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.