Mateo 11:29 - Kashibo-Kakataibo Biblia

²⁹ Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Nukën 'Ibu Diosan ain unikama 'inan ain bana

²⁹ Mitsúxmi cuëënia cana uisari caramina upí 'iti 'ai quixun mitsu 'unánmiti 'ain. Ñu caquinma cana tëmëraquinmami 'ati sënë́inshi 'ëx cuëëncësabi oi 'inun mitsu 'imiti 'ain. 'Imixun 'ën 'aquincëx camina upí oquin sinani chuámashirua tani cuëënti 'ain.

Mateo 11:29 ပူးပေါင်းရင်းမြစ်များ

Salmos 116:7

Usa ꞌain kana bërí, kuni chuámarua tanin, min kamina ꞌëbë upí ꞌixun ꞌë,

Proverbios 3:17

Usai ꞌikian an nu ꞌësëkë ax ka upíira ꞌikën; an ka ñu ꞌatima ꞌaíma upitax tsónun uni ꞌimia.

Isaías 28:12

Ësai ka bërámabi ax kiakëxa: “Ënu ka anu upiti tsóti ꞌikën, ënëx ka anu upiti tantiti ꞌikën; uix kara atsanxa ax ka tantiti ꞌikën.” ꞌAínbi ka ax kikësokin ꞌën bana kuakama ꞌikën.

Jeremías 6:16

Nukën ꞌIbun ka ꞌain unikama ësakin kakëxa: Bainu nirakëxun isi kamina, uisai kara mitsun chaitiokëkama ꞌën ꞌinánkë ꞌën bana ꞌai tsóakëxa kiax ñukákananti ꞌain, uisai kara uni upitax tsóti ꞌikë kiax; usakin ꞌai kamina a ꞌunánkin ax kikësokin ꞌai ꞌupitax tsókanti ꞌain. ꞌAínbi ka atux kia: Nux kananuna usai i tsótisama tanin.

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Números 12:3

Moisés ax ka upí sinan ñu ꞌaish nishananti sinánkëma uni ënë menu ꞌiakëxa.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 21:5

Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 7:24

Usa ꞌaínbi ca an ꞌëmi sinánquin ꞌën bana cuanan a bana quicësabi oquin ꞌacë uni ax an upí oquin sinánxun masinuma matánu xubu ꞌacë unisaribi ꞌicën. A unin xubu ca ꞌaisamaira ꞌuí ꞌibúcëbë ꞌitsaira baca ꞌëmainun ꞌaisamaira suñúan bëquiquinbi uisabi ocëma ꞌicën.

Lucas 8:35

Ñuixunquian chanioia cuati ca uisai cara a ñucama ꞌiaxa quixun isi riquiancëxa. Riquiani Jesúsnu cuanx uxun ca a uni anuax ꞌaisamaira ñunshin ꞌatima chiquícë a an isásama ꞌaish, chupa pañuax sinan mëníñushi ꞌaish, Jesús tanáin tsócë isacëxa. Usa ꞌicë a uni isi ca racuë́cancëxa.

Juan 13:15

Ënëx ca a tanquinmi usaribi oquin ꞌacanun ꞌën mitsu ꞌacë ꞌicën.

Juan 13:17

Ënë banacama ꞌunánquin a bana quicësabi oquin ꞌai camina chuámarua tani cuëëncanti ꞌain.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

1 Corintios 9:21

Usa ꞌaínbi cana judíosma uni, an Moisésnën cuënëo bana ꞌunáncëma, acamabë ꞌixun Jesucristomi sinánun ꞌunánmiti cupí atux ꞌicësaribiti ꞌinux, usaía judíos unicama ꞌinun Moisésnën cuënëo bana manucësa ꞌian. Usai ꞌibi cana Jesucristonan ꞌaish Nucën Papa Diosan bana quicësabi oi ꞌin.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

Filipenses 2:5

Jesucristonëan ꞌásaribi oquin camina sinánti ꞌain.

1 Tesalonicenses 4:2

Nucën ꞌIbu Jesusan cacësabi oquin nun mitsu cacë bana camina mitsun ꞌunanin.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.