Mateo 11:22 - Kashibo-Kakataibo Biblia

²² Usa ꞌain cana mitsu cain, anúan an camabi uni aín ñu ꞌacë isti nëtën ca Tiro ꞌimainun Sidónu ꞌicë unicama ꞌacësamaira oquin Nucën Papa Diosan mitsu ꞌuchoquin castícanti ꞌicën.

Nukën 'Ibu Diosan ain unikama 'inan ain bana

²² Usa 'ain cana mitsu cain, anúan an camabi uni aín ñu 'acë isti nëtën ca Tiro 'imainun Sidónu 'icë unicama 'acësamaira oquin Nucën Papa Diosan mitsu 'uchoquin castícanti 'icën.

Mateo 11:22 ပူးပေါင်းရင်းမြစ်များ

Joel 3:4

¿Añu kaina Tiro, Sidón ëmanu ꞌikë ꞌianan Filisteokaman menu ꞌikë unikama mitsun ꞌëbëtan kuëënin? ¿Mitsun kaina ꞌë ꞌatima oti sinánkanin? ¿Añu kaina ënua bisatankanin? ¡ꞌËn kana bënë́kinshi uisokin karana ꞌaisatani usakin mitsu tëmëramiti ꞌain!

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 11:24

Usa ꞌain ca anúan camabi uni aín ñu ꞌacë isti nëtën Sodomanu ꞌicë unicama ꞌásamaira oquin Nucën Papa Diosan mitsu ꞌuchoti ꞌicën. ꞌUchoquin ca a ëmanu ꞌicë unicama ꞌacësamaira oquin mitsu ꞌati ꞌicën.

Mateo 12:36

ꞌËn cana mitsu cain, anúan an camabi unin ꞌacë ñucama isti nëtën ca Nucën Papa Diosan uisai cara banaxa quixun ꞌunánan uisa banan cara sinanima ꞌatimati banaxa quixun camabi uni ꞌunánti ꞌicën.

Lucas 10:14

Usa ꞌain ca anúan an camabi uni aín ñu ꞌacë isti nëtën, Tiro ꞌimainun Sidónu ꞌicë unicama ꞌacësamaira oquin Nucën Papa Diosan mitsu ꞌuchoquin castícanti ꞌicën.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

2 Pedro 2:9

A unicama atun ꞌucha cupí Nucën ꞌIbu Diosan ꞌatimocëbëbia Noé ꞌiásaribiti Lot ië́a, a sinánquin cananuna ꞌunánti ꞌain, Nucën ꞌIbu Diosan ca axa ami catamëti ax quicësabi oi ꞌicë unicama, uisa ñu cara ꞌicëbëtanbi ië́miti ꞌicë quixun. Usonan ca an ñu ꞌatima ꞌacë unicama ië́miquinma, anúan an camabi uni isti nëtë utámainun tëmëranun ënti ꞌicën.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

1 Juan 4:17

Usa ꞌixun cananuna an nu nuibaquin sinánmicë ꞌixun ax cuëëncësa oquin Nucën Papa Diosmi upiti sinánan unicama nuibatin. Usa ꞌaish cananuna nux ënë nëtënuax asaribi ꞌaish, anuan Jesucristo utëcënti nëtën nux masá nuituti rabíntima ꞌain.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 20:12

Usaquinribi isanan cana axa bama unicama, uni cushibu ꞌimainun uni cushimabu, acamaxa baísquitancëx anua Nucën Papa Dios ꞌicë aín bëmánon sëtë́cë isan. A unicamaxa sëtë́mainun ca quirica achúshi, anu ui unicamax cara Nucën Papa Diosbë ꞌiti ꞌicë quixun aín anë cuënëocë, ax bacacë ꞌiaxa. A isanan cana bëtsi quiricacamaribi isan. A quiricacamanu ca añu ñucama cara unicaman ꞌaxa quixun cuënëocë ꞌiaxa. A quiricacama isquin ca Nucën Papa Diosan unin cara upí ñu ꞌaxa, cara upíma ñu ꞌaxa quixun isaxa. Isun ca aín ñu ꞌacësabi oquin mëníonan an ñu upí ꞌacë uni upí ꞌimainuan an ñu upíma ꞌacë unicama tëmëranun ꞌimiaxa.