Mateo 11:21 - Kashibo-Kakataibo Biblia

²¹ —Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Nukën 'Ibu Diosan ain unikama 'inan ain bana

²¹ —Corazín ëmanuax ucë unicama 'imainun Betsaidanuax ucë unicama, mitsu cana asérabi cain, mitsun ëmanuxun 'ën cushínbi 'ën ñu 'acësaribi oquin Tiro 'imainun Sidón anuxun 'ën 'á 'ain ca anu 'icë unicama aín 'uchacama ëni 'ëmi sinan 'itsíanxa. Aín 'ucha cupí masá nuituti sinanati ca chupa chëquicë pañuanan chimaputan mashiquia 'itsíanxa.

Mateo 11:21 ပူးပေါင်းရင်းမြစ်များ

Job 42:6

Usa ꞌain kana ꞌëx kikë banakama a sinani rabinin, chimapu kupúkënu tsóxun kana usai kiaxma ꞌinúma kana kia kixun sinan.

Joel 3:4

¿Añu kaina Tiro, Sidón ëmanu ꞌikë ꞌianan Filisteokaman menu ꞌikë unikama mitsun ꞌëbëtan kuëënin? ¿Mitsun kaina ꞌë ꞌatima oti sinánkanin? ¿Añu kaina ënua bisatankanin? ¡ꞌËn kana bënë́kinshi uisokin karana ꞌaisatani usakin mitsu tëmëramiti ꞌain!

Amós 1:9

Ësai ka Nukën ꞌIbu kia: “Tironu ꞌikë unikaman ka ꞌitsaira ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka ꞌain ꞌaintsisa ꞌaish abë nuibanankë ꞌixunbi achúshi ñu ꞌá ami manukuainxun Edomnu ꞌikë unikama bëtsi uni ꞌakësokin ꞌinankëxa.

Mateo 11:22

Usa ꞌain cana mitsu cain, anúan an camabi uni aín ñu ꞌacë isti nëtën ca Tiro ꞌimainun Sidónu ꞌicë unicama ꞌacësamaira oquin Nucën Papa Diosan mitsu ꞌuchoquin castícanti ꞌicën.

Mateo 15:21

Anuax cuanx ca Jesús anua Tiro cacë ëma ꞌimainun Sidón cacë ëma ꞌicë a menu bëbacëxa.

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Marcos 3:8

ꞌImainun ca Jesusan ñu ꞌaia ñuiquin chanioia cuacë ꞌaish amanuax amanuax timë́cuatsini ai, Judea me, Jerusalén ëma, Idumea me, Jordán baca ꞌucë manan ꞌicë me, ꞌimainun Tiro, Sidón a ëma rabë́ ꞌurama ꞌicë mecamanuaxribi, camáxbi anu timëcamëꞌëocëxa.

Marcos 6:45

Usotancëxun ca an tsiánquianquin unicama cabianmainuan, atux pain manë nuntinu cëñúruquiani ꞌucë manan Betsaida ëmanu cuanun quixun Jesusan aín ꞌunánmicë unicama xuacëxa.

Marcos 7:24

Anuax cuanx ca Jesús anua Tiro ꞌimainun Sidón ꞌicë menu bëbacëxa. Bëbatancëx ca, ꞌëx cana ënu ꞌai quixunma unin ꞌunania quixun sinani achúshi xubunu atsíancëxa. Usaquian sinaniabi ca unicaman ꞌunáncëxa.

Marcos 7:31

Usaquiani anua Tiro ëma ꞌicë menuax cuanx ca Jesús Sidón ëma ꞌimainun Decapolis cacë me aribi rëxcëbiani, parúmpapa Galileanu cuantëcëancëxa.

Marcos 8:22

Usaquin cabiani cuanx ca Betsaida cacë ëmanu Jesús bëbacëxa. Bëbacëbëtan ca uni raírinën bëxuñu uni achúshi anu bëquin a isa ramënun quixun caquin bënëacëxa.

Lucas 4:26

Usai ꞌimainuan ꞌitsa casunamëcë xanu ꞌaínbi ca raírima, Sidón cacë menu ꞌicë ëma, Sarepta cacë, anu ꞌicë casunamëcë xanu achúshi, ashia ꞌaquinun Nucën Papa Diosan Elías xuacëxa.

Lucas 6:17

ꞌUnánminuxun a unicama caístancëx ca matánuax taramëcëbutancëx me sapánu ꞌiacëxa. Anu ca ꞌaisamaira uni Jerusalén, ꞌimainun Judea mecamanuaxribia ucë ꞌiacëxa. ꞌImainun ca Tiro, Sidón a ëma rabë́ ꞌurama ꞌicë me parúnpapa rapasu, anu ꞌicë menuaxribia ucë ꞌiacëxa.

Lucas 9:10

Usa ꞌain ca aín ꞌunánmicë unicaman, an xucëx cuanx anu utëcënxun atun ꞌacë ñucama Jesús ñuixuancëxa. Ñuixuncëxun cuatancëxun ca Jesusan Bëtsaida ëma ꞌurama anu aín ꞌunánmicë unicama buáncëxa.

Juan 1:44

Felipe Betsaida ëmanu ꞌicë uni ꞌain, ca Andrés ꞌimainun Pedroribi, anu ꞌicë uni ꞌiacëxa.

Juan 12:21

Cuanxun ca Galilea menu ꞌicë ëma itsi, Betsaida, anu ꞌicë uni, Felipe, a mëraquin cacëxa: —Jesús cananuna istisa tanin.

Hechos 12:20

Usa ꞌain ca Tiro ꞌimainun Sidón ëmanu ꞌicë unicamami Herodes nishacëxa. Herodes atumi nishcë ꞌixunbi ca a isi cuanti sináncancëxa. Usaquin sinánbiani riquianxun ca an Herodes ñu ꞌaquincë uni, Blasto, abë pain banacëxa. Abë banai mëníonanquin ca ësoquin cacëxa: —Tiro ꞌimainun Sidón ëmanu ꞌicë unicama nux cananuna aín menua piti marui, Herodesbë nuibanani tsótisa tanin. Usa ꞌain cananuna abë banatisa tanin.

Hechos 27:3

Usaquiani coonx cananuna Sidón cacë ëmanu bëbacën. Anu bëbaxun ca abë upí ꞌixun Julionën Pablo a ëmanua ꞌicë axa abë nuibanancë unicama isanan abë bananan, atun xubunuxun pitánun quixun cacëxa.

Judas 1:11

A unicaman ñu ꞌatima ꞌacë cara Nucën Papa Diosan uisoti ꞌicën. Cainan ñu ꞌatima ꞌásaribi oquin ꞌanan ca Balaam an ꞌásaribiquin curíqui biti sinánxun ñu ꞌatima ꞌaia. Coré ax ca Nucën Papa Diosan cacëxuan Moisésnën ñuicë bana cuaisama tanquin, uni raíri Moisésmi nishquin tsuáquirumicë cupí, bamacëxa. Cain, Balaam, Coré, acamaxa ꞌiásaribiti ca a unicama cënúti ꞌicën.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

Apocalipsis 6:12

Usai ꞌicëbëtan ca Carnero ꞌicësaribitia unin ꞌucha cupí bama, an anun quirica tacáshcacë ñu itsiribi pëóshaxa. Pëóshcëbë ca mecama shaíquiaxa. Usai ꞌicëbë ca bari bëánquiaxa, chupa tunánsa ꞌinun. ꞌImainun ca ꞌuxë imi iscësa ꞌiaxa.