Mateo 11:2 - Kashibo-Kakataibo Biblia

² Usai ꞌimainun ca sipunu ꞌixun Juan, an uni nashimicë, an Jesusan ñu ꞌaia ñuicania cuacëxa. Cuaquin ca aín uni raíri Jesús istánun quixun xuacëxa, asérabi cara ax utia judíos unibunën caíncë a ꞌicë quixuan isnun.

Nukën 'Ibu Diosan ain unikama 'inan ain bana

² Usai 'imainun ca sipunu 'ixun Juan, an uni nashimicë, an Jesusan ñu 'aia ñuicania cuacëxa. Cuaquin ca aín uni raíri Jesús istánun quixun xuacëxa, asérabi cara ax utia judíos unibunën caíncë a 'icë quixuan isnun.

Mateo 11:2 ပူးပေါင်းရင်းမြစ်များ

Mateo 1:17

Abraham ax ca judíos unibunën rara ꞌiacëxa. An bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx Davidnu sënën ca Davitan chaitiocëcama catorce ꞌiacëxa. David an bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anun Babilonia cacë nëtënu judíos unicama buan nëtë anúan Jeconías bacë́an, a nëtë sënën ca Jeconíasnën chaitiocëcama catorce ꞌiacëxa. Jeconías an bëchipacëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anúan Cristo bacë́ncë nëtë sënën ca aín chaitiocëcama catorce ꞌiacëxa.

Mateo 14:3

An Juan aín uni tëbíscamia ꞌaish ca usai Herodes quiacëxa. Ësai ca ꞌiacëxa: Herodes, an ca aín xucën Felipenën aín xanu, Herodías, a biacëxa. Usa ꞌain ca —minmi a xanu biti ca ꞌaisama ꞌicë —quixun Juanën Herodes cacëxa. Cacëxun ca Herodesnën aín unicama Juan bimiacëxa. Bimixun ca nëamixun sipuamiacëxa.

Mateo 4:12

Usa ꞌain ca Juan, an uni nashimicë, ami nishquin ꞌapun sipuacëxa. Juan sipuacë ñuicania cuabiani ca Jesús Judea nëtënuax Galilea nëtënu cuantëcëancëxa.

Mateo 9:14

Usa ꞌain ca Juan, an uni nashimicë, aín ꞌunánmicë unicaman anu cuanxun Jesús cacëxa: —Nux cananuna Nucën Papa Dios sinani bëtsi bëtsi nëtën pima samatin. Fariseo unibunëxribi ca usaribiti pima samatia. ¿Usa ꞌaínbi cara uisacasquin min ꞌunánmicë unicaman samáquinma pin?

Marcos 6:17

Herodesnën Juan tëbíscamia, ax ca ësa ꞌiacëxa: Herodes an ca aín xucën Felipenën xanu, Herodías cacë, a biacëxa. Usa ꞌain ca —minmi min xucënan xanu biti ca ꞌaisama ꞌicë —quixun Juanën Herodes cacëxa. Cacëxun ca Herodesnën Juan bimixun nëamitancëxun sipuamiacëxa.

Lucas 3:19

Ñuixuanan ca ꞌapu Herodes cacë an aín xucënan xanu, Herodías cacë, a bianan bëtsi ñu ꞌatimaribi ꞌacë ꞌicë —minmi ꞌacë ñu ax ca ꞌaisama ꞌicë —quixun Juanën ꞌapu Herodes a cacëxa.

Lucas 9:7

Unicaman Jesusan ꞌacë ñucama chanioia cuati ca Galileanu ꞌicë ꞌapu, Herodesnëx —ui cara ax ꞌicë —quiax sináncasmacëxa. Raírinëx ca —Juan, an uni nashimicë, ax ca bamaxbi baísquiaxa —quiax quiacëxa.

Juan 4:1

Fariseo unicaman ca —Juanën ꞌunánmicë unicama ꞌitsaribi ꞌaínbi ca Jesusan ꞌunánmianan nashimicë unicamaxira ꞌaisamaira ꞌicë —quixuan ñuicania cuacëxa.