Mateo 11:18 - Kashibo-Kakataibo Biblia

¹⁸ Usaribi ca ënë nëtënua bucucë unicamax ꞌicën. Juanëx ca ñu mëscú picëma ꞌianan ñu xëacëma ꞌicën. Usa ꞌicë ca unicaman —a unix ca ñunshin ꞌatimañu ꞌicë —quixun caxa.

Nukën 'Ibu Diosan ain unikama 'inan ain bana

¹⁸ Usaribi ca ënë nëtënua bucucë unicamax 'icën. Juanëx ca ñu mëscú picëma 'ianan ñu xëacëma 'icën. Usa 'icë ca unicaman —a unix ca ñunshin 'atimañu 'icë —quixun caxa.

Mateo 11:18 ပူးပေါင်းရင်းမြစ်များ

Jeremías 15:17

ꞌËn kana an nëtë ꞌinukin xëati sinánishi bukukë unikamabë amiribishi timëtëkënti a ëankën; anunmi min uni ꞌiti ꞌë ꞌimia anun ꞌia ꞌaish kana bëríbi ꞌëxi upiti tsotin, usai ꞌikë kamina mixmi ꞌuchakëbë nishkë usaribiti ꞌinun ꞌë ꞌimiakën.

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Mateo 11:17

“Cuai chirini cuëënun nun paca bana ocëbëbi camina masá sinani cuaitisama tan. Cuaitisama tancëbë nux —anpan caniacëcë unicama ꞌicësaribiti cananuna ini rarumati ꞌai —quicëbëbi camina masá sinani usairibi ꞌiisama tan”.

Mateo 3:4

Juan ax ca camello rani ꞌacë chupa pañuanan ñuina xacá ꞌacë anun tsitëcërëquicë ꞌiacëxa. Aín piti ca curuchinti ꞌimainun buna rëpa ꞌiacëxa.

Mateo 9:34

Quia unicama ratúmainun ca fariseo unibunëx quiacëxa: —Ñunshin ꞌatimanën ꞌapun cushínshi ca ënë unin ñunshin ꞌatima chiquinia.

Marcos 3:22

Usa ꞌain ca Jerusalénuax ucë an Moisésnën cuënëo bana ꞌunáncë unicama quiacëxa: —Ënë unibë ca ñunshin ꞌatimanën ꞌapu, Beelzebú ꞌicën. Usa ꞌixun ca Beelzebúnën ꞌamicëxun ñunshin ꞌatima uninua chiquinia.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Juan 10:20

Sinani ca ꞌitsa uni —ñunshin ꞌatimañu ca a uni ꞌicën, ca ñunshíanxa. ¿Uisa cupí caramina aín bana cuatin? —quiacëxa.

Juan 7:20

Cacëxun ca judíos unicaman cacëxa: —Mix camina ñunshin ꞌatimañu ꞌain. ¿Uix cara mi ꞌacatsi quin?

Juan 8:48

Usaquian cacëxun ca nishquin judíos unicaman Jesús cacëxa: —Mix camina Samaria menu ꞌicë uni ꞌianan ñunshin ꞌatimañu uni ꞌai quixun nun mi cacë, ënëx ca asérabi ꞌicën.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Hechos 26:24

Usaía Pablo an ñu ꞌacëcama ñui quicëbë ca Festo munuma banai quiacëxa: —Pablo, camina ñunshían. ꞌItsairami quirica ꞌacë cupí camina ñunshían.

1 Corintios 9:27

ꞌËn Nucën Papa Diosan bana unicama ñuixuncë ꞌixunbi ax cuëëncësabi oi ꞌima ꞌëxbi cëmëia ca an aín bana ñuiaxma ꞌinun ꞌë cati ꞌicën. Usaquian ꞌë cati rabanan cana ꞌën nami ñu ꞌatima ꞌati cuëëncëbëtanbi ꞌaíma Jesucristo cuëëncësabi oíshi ꞌin.