Mateo 11:17 - Kashibo-Kakataibo Biblia

¹⁷ “Cuai chirini cuëënun nun paca bana ocëbëbi camina masá sinani cuaitisama tan. Cuaitisama tancëbë nux —anpan caniacëcë unicama ꞌicësaribiti cananuna ini rarumati ꞌai —quicëbëbi camina masá sinani usairibi ꞌiisama tan”.

Nukën 'Ibu Diosan ain unikama 'inan ain bana

¹⁷ “Cuai chirini cuëënun nun paca bana ocëbëbi camina masá sinani cuaitisama tan. Cuaitisama tancëbë nux —anpan caniacëcë unicama 'icësaribiti cananuna ini rarumati 'ai —quicëbëbi camina masá sinani usairibi 'iisama tan”.

Mateo 11:17 ပူးပေါင်းရင်းမြစ်များ

Génesis 50:10

Usakiani kuanx ka anua Goren-ha-atad, ꞌikë Jordán baka kuainakëkë anu bëbaxun ꞌaisamaira uni timëkamë ꞌëokë ax masánuituti ini rarumakëxa. ꞌImainun ka José mapai achúshi ꞌimainun rabë́ nëtë anuax ꞌitsaira iankëxa.

1 Reyes 1:40

Usakin ꞌatankëx kuëënkin ka kamaxunbi paka a banoti ꞌakë a banobiani kuankin nuibiankankëxa. Usakin ꞌabiani ꞌitsaira kuëëni sharákiani kuania chirinkankë anunbi ka me panárabëti tukisa ꞌinun ꞌiakëxa.

Jeremías 31:4

ꞌËn kana amiribishi atun ëma atëkënun amiti ꞌain. Usokin ꞌaxunkëx ka atun manë sharíkati sharíkai ransai kuëënkanti ꞌikën.

Mateo 11:16

Ësaquinribi ca Jesusan anu ꞌicë unicama cacëxa: —Ënë nëtënua bërí bucucë unicamax cara uisa ꞌicë quixun cana mitsu cati ꞌain. Ca tuáratsucuxa cuaicësaribi ꞌicën. Cuainux timë́cë ꞌaíshbia cuaitisa tantancëx camáxbi tsotan ca raírinën raíri ësaquin caia:

Mateo 11:18

Usaribi ca ënë nëtënua bucucë unicamax ꞌicën. Juanëx ca ñu mëscú picëma ꞌianan ñu xëacëma ꞌicën. Usa ꞌicë ca unicaman —a unix ca ñunshin ꞌatimañu ꞌicë —quixun caxa.

Mateo 9:15

Cacëxun ca Jesusan cacëxa: —¿An biti xanua unin bicëma pan ꞌain cara axa abë nuibanancë unicama ax a unibë ꞌaish masá nuituti ꞌic? Ca masá nuitutima ꞌicën. Ca ësa ꞌicën: An xanu biti unin xanu biquin abëtan pi unun camicëx ca axa abë nuibanancë unicama masá nuitutima abë cuëënia. Xanu bibiani cuanquian a unin ëbiancëxun cuni ca axa abë nuibanancë unicaman masá nuituquin pima. Usaribiquin ca ꞌën ꞌunánmicë unicama ꞌëbë ꞌixun masá nuituti samáquinma piia. Unían ꞌë bicëxun ꞌën ëbiancëxun cuni ca masá nuituquin pitima ꞌicën.

Mateo 9:23

Usobiani cuanx ca anua judíos unicama timë́ti xubunu ꞌicë ꞌapu, Jairo, aín xubunu bëbacëxa. Bëbaquin ca Jesusan, xanu ñucë a maíncëbëtan an ꞌati unicaman pacun bana otishi ꞌixun caínmainun ꞌaisamaira uni rarumati sharatia cuaquin isacëxa.

Lucas 15:25

Usaía ꞌimainun ca aín bëchicë apanën naënuxun ñu mëëaxa. Ñu mëëbaiti xubu rarobëtsini uquinbi ca pacon bana ocëbëa sharati cuëënia cuaxa.

Lucas 23:27

Usaía ꞌia ca ꞌaisamaira unin nuibiancëxa, xanucamanribi nuibiani ca ꞌaisamaira masá nuituti bëunan mëscuti rarumacëxa.

Lucas 7:32

Ca tuáratsucuxa cuaicësaribi ꞌicën. Cuainux timë́cë ꞌaíshbia cuaitisa tantancëx camáxbi tsotan ca raírinën raíri ësaquin caia: Cuai chirini cuëënun nun paca banocëbëbi camina masá sinani cuaitisama tan. Cuaitisama tancëbë nux —anpan caniacëcë unicama ꞌicësaribiti cananuna ini rarumati ꞌai —quicëbëbi camina masá sinani usairibi ꞌiisama tan.

Lucas 8:52

Usai xubunu atsínquian cuacëxbi ca ini bëunan mëscuti rarumabacëxa. Rarumabatiabi ca Jesusan cacëxa: —Iánxma ca ꞌit. Xu xanu ca ñucëma ꞌicën, ca ꞌuxaxa.