Mateo 10:27 - Kashibo-Kakataibo Biblia

²⁷ ꞌËn mitsu imë́ribi cacë banacama camina camabi unían cuanun ñuiti ꞌain. Ñuianan camina mitsun xubunuxun ꞌën mitsu cacëcamaribi camabi unían cuanun ëmánxun ñuiti ꞌain.

Nukën 'Ibu Diosan ain unikama 'inan ain bana

²⁷ 'Ën mitsu imë́ribi cacë banacama camina camabi unían cuanun ñuiti 'ain. Ñuianan camina mitsun xubunuxun 'ën mitsu cacëcamaribi camabi unían cuanun ëmánxun ñuiti 'ain.

Mateo 10:27 ပူးပေါင်းရင်းမြစ်များ

Mateo 24:17

Aín xubu ëman ꞌicë unicamaxribi ca abánuxun, aín ñu pain bitsi aín xubunu atsíntëcënima ashiti cuanti ꞌicën.

Lucas 12:3

Mitsúnmi ꞌën bana cuacë ꞌixun imë́ uni itsi ñuixunquin cacë ax ca camabi unían ꞌunáncë ꞌiti ꞌicën, ꞌën mitsu cacëcamami mitsun xubunuxun ñuicë ax ca camabi unían cuanun ëmánxun ñuicë ꞌiti ꞌicën.

Lucas 8:10

Ñucácëxun ca Jesusan ësaquin cacëxa: —Uni itsían ꞌunániamabi camina mitsun Nucën Papa Diosan sinánmicëxun an ꞌunánmicë ñu ꞌunanin. ꞌËn ꞌaia isquin ca atun ꞌën cushi Nucën Papa Diosan ꞌë ꞌináncë a sinanima. Atun pabitan ꞌën ñuixuncëxun cuaquinbi ca uisai quicë cara quixun ꞌunanima. Usaía atux ꞌinun cana bana itsi ñuicësoquin bana ñuixunin.

Juan 16:1

Nucën Papa Diosmi manuaxmami ꞌicánun cana ënë bana mitsu ñuixunin.

Juan 16:13

ꞌAínbi ca Nucën Papa Diosan Bëru Ñunshin Upí, an Nucën Papa Diosan sináncë ñucama ꞌunáncë, an mitsubë ꞌixun, ꞌën mitsu ñuixuncë banacama ax cara uisaira quicë ꞌicë quixun mitsu ꞌunánmianan uisa ñucamax cara upí ꞌicë mitsu ꞌunánmiti ꞌicën. An ca anbi sináncësa oquinma, Nucën Papa Diosan cacëxuan cuacë ñucamaishi mitsu ꞌunánmiti ꞌicën. ꞌUnánmianan ca uisai cara ꞌën unicama ënë nëtënuax ꞌianan Nucën Papa Diosan nëtënuaxribi ꞌiti ꞌicë quixun mitsu ꞌunánmiti ꞌicën.

Juan 16:25

Canan ca ësaquinribi Jesusan cacëxa: —Bëtsi ñu ñuicësoquin cana ꞌën ꞌunánmisa tancë banacama mitsu ñuixuan. Usa ꞌaínbi cana ꞌitsama nëtë ꞌicëbëtan bëtsi ñu ꞌacësoquin ñuiquinma upí oquin cuaquinmi ꞌunánun Nucën Papa Dios ñuiquin mitsu ñuixunti ꞌain.

Juan 16:29

Cacëxun ca aín ꞌunánmicë unicaman cacëxa: —Asábi ca, bërí camina bëtsi ñu ñuicësoquin ñuiquinma —usa ca —quixúnu upí oquin ꞌunánun nu bana ñuixunin.

Hechos 17:17

Usa ꞌixun ca anua judíos unicama timë́ti xubunuxun, judíos unicama ꞌimainun judíosma ꞌixunbia an Nucën Papa Dios rabicë unicamaribi, Jesús ax ca asérabi Cristo, axa uti judíos unicaman caíncë, a ꞌicë quixun sinánmisa tani cuënëo bana ñui atubë canancëxa. Usai ꞌianan ca camabi nëtën anuxun ñu marutinuaxribi anua ꞌicë unicamabë Jesús ñui canancëxa.

Hechos 5:20

—Anuxun Nucën Papa Dios rabiti xubunu cuanxun camina Jesúsmi catamëcë ꞌaish ca uni Nucën Papa Diosnan ꞌiti ꞌicë quicë bana unicama ñuixunti ꞌain.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

2 Corintios 3:12

Cristo ñui quicë banaxa nëtë́timoi upí ꞌain, usai ꞌi ami catamëtia ca uni upí ꞌiti nëtëtima quixun asérabi ꞌunánquin cananuna rabínquinma unicama ñuixunin.