Mateo 10:17 - Kashibo-Kakataibo Biblia

¹⁷ Axa mitsumi nishcë unicaman ca judíos unibunën ꞌapucamanu mitsua ꞌatimonun buánti ꞌicën. Usonan ca anua judíos unicama timë́ti xubucamanuxun mitsu rishquiti ꞌicën. Usa ca uni ꞌicë quixun ꞌunani camina ami catamëtima bërúancati ꞌain.

Nukën 'Ibu Diosan ain unikama 'inan ain bana

¹⁷ Axa mitsumi nishcë unicaman ca judíos unibunën 'apucamanu mitsua 'atimonun buánti 'icën. Usonan ca anua judíos unicama timë́ti xubucamanuxun mitsu rishquiti 'icën. Usa ca uni 'icë quixun 'unani camina ami catamëtima bërúancati 'ain.

Mateo 10:17 ပူးပေါင်းရင်းမြစ်များ

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 23:34

ꞌËn cana unicama ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimicëbi camina raíri ꞌanan raíri i curúsocënu matásun bamaminuxun ꞌain. Raíri camina anu timë́ti xubu anuxun rishquinuxun ꞌain. Raírinëan ꞌachushi ëmanuxun bana ñuixuniami mitsun bëtsi bëtsi ocëbëa bëtsi ëmanu cuancëbë anu mitsúxribi cuanxun camina usaribi oquin ꞌatëcënuxun ꞌain.

Mateo 26:59

Usa ꞌain ca judíos sacerdotenën cushicamabë caniacëcë unicama ꞌimainun camabi judíos unibunën ꞌapucama anu timë́xun, uix caraisa asérabia usai ꞌiánmabi, cëmëi atúan ꞌanun Jesúsmi manánti ꞌicë quixun cuaisa tancëxa.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Marcos 13:12

ꞌËmi sináncëma unin ca axa ꞌëmi sinania oquin aín xucë́nbi an uni ꞌaminun quixun ꞌapu ꞌinánti ꞌicën. Usaribi oquin ca aín papan ami nishquin aín bëchicëbi an uni ꞌaminun ꞌapu ꞌinánti ꞌicën. ꞌImainun ca usaribi oquin aín bëchicënën ami nishquin aín papabi an uni ꞌaminun ꞌapu ꞌinánti ꞌicën.

Marcos 13:9

ꞌËmi sináncëma uni raírinën ca ꞌapucamanu ami manánuxun mitsu buánti ꞌicën. Usonan ca anua judíos unicama timë́ti xubucamanuxun mitsu manë xon rishquiti ꞌicën. Mitsúnmi ꞌën bana uni ñuixuncë cupí ca unin mitsumi nishqiun judíosma unicaman ꞌapunu mitsu buánti ꞌicën, ami mitsu ñui manánuxun. Usai ca ꞌiti ꞌicë quixun ꞌunanx camina usaía ꞌicëbë ratútima ꞌain. Usocëxunbi camina a ꞌapucama ꞌë ñuiquin bana ñuixunti ꞌain.

Lucas 12:11

Unin mitsu anu judíos unicama timë́ti xubunu ꞌicë unicama ꞌimainun mitsun ꞌapucamami manánuxun buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Juan 16:2

Mitsúxmi ꞌënan cupí ca anua judíos unicama timë́ti xubunu atsíntëcëanxmami ꞌinun mitsu chiquíncanuxun ꞌaia. Nucën Papa Dios cuëëncësabi oquin isa ꞌaia quixun sinánquin ca unin mitsu bëtsi bëtsi oquin ꞌati ꞌicën. Usai ꞌia camina isti ꞌain.

Hechos 17:14

Tsuáquirumicëbëtanbi ca axa Jesucristomi catamëcë unicaman bënë́nquinshi Pablo manë nuntían cuantánun quixun xuacëxa. Xucëbë ca Timoteobë Silas Bereanubi bërúacëxa.

Hechos 22:19

Usaquian cacëxunbi cana Nucën ꞌIbu Jesús cacën: Ënu ꞌicë judíos unicaman ca ꞌunánxa, ꞌën cana anua judíos unicama timë́ti xubucamanu cuanquin, axa mimi catamëcë unicama sipuanuxun buánan mëëa quixun.

Hechos 26:11

ꞌItsa oquin cana amia sinaniabi Jesucristomi catamëti ënía, ami ꞌatimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin ꞌacën. Usonan cana ñunshinacëquin bëtsi bëtsi menu ꞌicë ëmacamanuribi cuanquin, anu ꞌicë axa Jesucristomi catamëcë unicama bëtsi bëtsi ocën.

Hechos 9:2

—Damasco ëmanuaxa ax Jesúsmi catamëcë unicama ꞌimainun xanucamaribi bixun nëaxun, Jerusalénu bënun camina quirica ꞌaxun ꞌë ꞌinánti ꞌain. ꞌInáncëxun cana Damasconu cuanxun anua judíos unicama timë́ti xubucamanu cuanquin atu bariti ꞌain.

Filipenses 3:2

An ñu ꞌaisamaishi ꞌati sináncë uni ꞌimainun axa ꞌatimati banacë unicama ꞌimainun an —Nucën Papa Diosan uni ꞌinux cananuna ꞌunántioracacë ꞌiti ꞌai —quixun sináncë uni, acaman mitsu cacësa oi ꞌitin rabanan camina bërúancati ꞌain.

2 Timoteo 4:15

Nun nu Nucën Papa Diosan bana ñuixuncëbë ca a bana ñui ꞌatimati banaxa, Usa ꞌain camina mix an ñuicë bana cuati rabanan abë nitima ꞌain.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.