Mateo 1:22 - Kashibo-Kakataibo Biblia

²² An Nucën Papa Dios quicë bana uni ñuixuncë unían cuënëosabi oquin ca ángelnën José usaquin cacëxa. A bana ca ësai quia:

Nukën 'Ibu Diosan ain unikama 'inan ain bana

²² An Nucën Papa Dios quicë bana uni ñuixuncë unían cuënëosabi oquin ca ángelnën José usaquin cacëxa. A bana ca ësai quia:

Mateo 1:22 ပူးပေါင်းရင်းမြစ်များ

1 Reyes 8:15

ësai kiakëxa: Israel unikaman Dios ax ka upíokin rabikë ꞌiti ꞌikën, an ka ꞌën papa David kásabiokin ꞌaxa, usa ꞌaish ka ësai kiakëxa:

1 Reyes 8:24

usa ꞌixun kamina bërí min uni ꞌën papa David mi ꞌaxunuxun kásabiokin ꞌan, an ka añu ꞌanun kaina kai a mi ꞌaxuankëxa, min achúshi ñu abëtan mëniosabi okin ꞌimainun kamina kakën achúshi min bëchikënën ka anuxun ꞌë rabiti xubu ꞌati ꞌikë kixun ká nëtë a bërí sënë́anxa.

Esdras 1:1

Anúan Ciro kakë uni Persia menu ꞌikë ax ꞌapu ꞌikin pëutabakë anun ka usai ꞌitia Dios kia bana ꞌikëa Jeremías kiásabi oia a bana sënë́nkëbëtan, Ciro kakë an Diosanbi sinánmikëxun, banan kananbi kirikanu kuënëoxun ënë bana buámiakëxa:

Mateo 12:17

Nucën Papa Diosan ꞌamicëxuan a ñuiquin Isaíasnën cuënëosabi oi ca Jesús ꞌiacëxa, ësai quicë:

Mateo 13:21

Usaquin sinánquinbi ca maparañu menu nipacëcë ñu bëru tapun ꞌitsañuma asaribi ꞌixun Nucën Papa Diosan bana ꞌitsama nëtë́inshi sinania. Sinánquinbi ca anbi masáquin sinánan Nucën Papa Diosan bana ꞌacëbë ami nishquian unin ꞌatimocëxun a bana manuquin ënia.

Mateo 13:35

Jesusan ca usaquin bana ñuixunti ꞌicë quiax ca an Nucën Papa Dios quicë bana uni ñuixuncë unix bëráma quiacëxa, ësai qui: ꞌËn cana bana itsi ñuicësoquin ñuiquin bana ñuixunti ꞌain, uinsaranbia unin ꞌunánma ñu ñuiquin cana unicama ñuixunti ꞌain.

Mateo 2:15

Anu ca Herodes pan bamatamainun ꞌiacëxa. Nucën ꞌIbu Diosan ꞌamicëxuan aín unin cuënëosabi oi ca Egipto menu ꞌiacëxa. A banax ca ësai quia: “Egiptonua cana ꞌën Bëchicë bëan”.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 5:17

Camina ꞌunánti ꞌain, Moisésnën cuënëo bana ꞌimainun Nucën Papa Diosan aín unibu cuënëomia banacama quicësabi oquin ꞌaxunma ꞌanun quixun uni cai cana ꞌëx uáma ꞌain. ꞌË ñuiquian cuënëo banacama quicësabi oi ꞌi cana ënë nëtënu uacën.

Mateo 8:17

Isaías quiásabi oquin ca usaquin ꞌacëxa, ësai quicë: “An ca nun ñucë pëxcüanan an nu paëocëcama nu tërë́caxuanxa”.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 10:35

Cananuna ꞌunanin, Nucën Papa Diosan bana cuënëo a ca unin —asérabima ca —quixun catima ꞌicën. Usa ꞌain ca an asérabi ami sinánquin aín bana cuacë unicama Nucën Papa Diosan “ꞌËn bëchicë ꞌaish camina dioscama ꞌai” quixun cacëxa.

Juan 15:25

Nucën Papa Diosan bana cuënëo ax ca ꞌë ñui ësai quia: “ꞌËn ꞌatima ñu ꞌacë ꞌaímabi ca ꞌëmi nishcanxa”. A bana quicësabi oi ca ꞌia.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Juan 18:9

Atúan bixun ꞌatimocëxun aín unicaman ami sinánti ënti rabanan ca Jesusan usoquin an biti unicama cacëxa, aín bana, “minmi ꞌë ꞌináncë unicama achúshinëxbi ca ꞌëmi sinánti ëncëma ꞌicën” quicësabi oía ꞌinun.

Hechos 3:18

Usa ꞌaínbi camina mitsun, an sinánmicëxun uni ñuixuncë unicama Nucën Papa Diosan usaia Cristo ꞌiti ñuiquian cuënëomia banaxa quicësabi oquin ꞌacan. A banax ca quia, Nucën Papa Diosan ënu unun xuá, Cristo, ax ca paë tani tëmërati ꞌicë quiax.

Romanos 1:2

Nucën Papa Diosan ca ainan ꞌinux ië́ti bana an sinánmicëxun aín bana uni ñuixuncë unicama bëráma cuënëomiacëxa.

Apocalipsis 17:17

Usaía ꞌinun ca Nucën Papa Diosan a mëcën rabë́ ꞌapucama bëtsin sináncësaribi oquían sinánun ꞌimiaxa. Nucën Papa Diosan ꞌimicëxun ca atun, anua a xanu tsócë ñuinacanꞌëon cacësabi oquin ꞌanan atúan ꞌibuacë unicama usaribi oquin ꞌanun ꞌamiaxa. Aín banacama sënë́ntamainun usai ꞌinun ca Nucën Papa Diosan ꞌimiaxa.