Mateo 1:20 - Kashibo-Kakataibo Biblia

²⁰ Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Nukën 'Ibu Diosan ain unikama 'inan ain bana

²⁰ Usoquin sinántancëx 'uxun ca Josénën namáquin Nucën 'Ibu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan 'imicëxëshia 'icë 'icën. Usa 'ain camina timaquinma min xanu 'inun María biti 'ain.

Mateo 1:20 ပူးပေါင်းရင်းမြစ်များ

Génesis 31:11

Usa ꞌain ka namákin iskëxun Nukën ꞌIbu Diosan ángelnën ꞌën anën ꞌë kuëanxa, kuënkëxun kana ësokin kan: Ënu kana ꞌain.

Génesis 46:3

Kakëxun ka Diosan kakëxa: —ꞌËx kana Dios min papan rabia a ꞌain. Usa ꞌain kamina Egipto menu kuanti rakuë́tima ꞌain: Anuxun kana ꞌën min rëbúnkikama achúshi ëma kushiira ꞌianan chaiira ꞌitánun ꞌuákamë ꞌëomiti ꞌain.

1 Reyes 17:13

Ësokin kakëxunbi ka Elíasnën kakëxa: —Kamina bamaiman usa ꞌain kamina rakuë́tima ꞌain. Kuantankëxun kamina ami ñuikë piti a ꞌai kuanti ꞌain. ꞌAínbi kamina ꞌë pain min ñuikë harina a pán chukúma ꞌitánun ꞌabëtsinkin bëxúnti ꞌain, usakin ꞌë pain bëxuntankëxun kamina minan ꞌanan min tuáribi pán ꞌaxúnti ꞌain.

1 Reyes 3:5

Achúshi ñantan ka Gabaón ëmanuxun, ꞌuxkë namámikin Diosan Salomón kakëxa: Añu ñu kaina kuëënkin ꞌë ñukáti akana mi ꞌinánti ꞌai kixun ka Diosan kakëxa.

Isaías 7:13

Ësai kia ka Isaíasnën kakëxa: “Ësokin mitsu kamainun kamina ꞌapu Davidtan rëbúnkikama mitsun kuati ꞌain: ¿Mitsun iskëx kara unikama anribia, ꞌën Dios ubioisa tankë akamaribi ubioti asábi it?

Isaías 7:2

Usai ꞌikëbëtan ka a nëtë kaman ꞌapu Ahaz ꞌimainun aín aintsikama ꞌunánun ënë bana ñuixuni kuankëxa: Kuanxun ka siria unikamabë ka Efraínën rëbúnkikama mitsu ꞌanux birananxa kixun kakëxa. Ësakian kakëxun kuati ka ꞌapu Ahaz ꞌimainun anua ꞌikë unikama rakuëntan bamai bërëkirui nikama suñun bëkakëx ꞌikësaribiti bërëi ꞌikankëxa.

Jeremías 31:22

¿Uínsaran kaina ꞌën kakësabiokin ꞌaíma amami amami kuani, xanu tuá aín papan bana kuatima nikësaimi ꞌikankë a ënkanti ꞌain? ꞌËx mitsun ꞌIbu ꞌixun kana achúshi ñu ió okin ënë menu ꞌakën, xanúan ꞌain bënë ënxun bitëkënkë usaribi okin ka Israel unikaman ꞌëx kikësabiokin ꞌanuxun ꞌë mërati ꞌikën. Kiax ka kiakëxa.”

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Mateo 1:18

Ënë menua Jesucristo uti ca ësai ꞌiacëxa: María ax ca Josénën binuxun ꞌunánti ocë xanu ꞌiacëxa. Josébë biranancëma pan ꞌaish ca Nucën Papa Diosan Bëru Ñunshin Upitan sinanënshi ꞌimicëx tuñu ꞌiacëxa.

Mateo 2:12

Usoquian ꞌináncë ca namámiquin Nucën Papa Diosan anua Herodes ꞌicë anun cuanxma ꞌinun cacëx bai itsin cuantancëx aín nëtënu bëbacëxa.

Mateo 2:13

An ñu ꞌunáncë unicamaxa aín menu cuantëcëan ca Nucën ꞌIbu Diosan ángelnën José namámiquin cacëxa: —Herodesnën ca a tuá ꞌaminuxun bariminuxun ꞌaia. Usa ꞌain camina niruquianquin aín titacëñun a tuá bibiani Egipto menu cuanti ꞌain. Cuantancëx camina ꞌën mi cacë́xmi utëcënun anu ꞌiti ꞌain.

Mateo 2:19

Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Mateo 2:22

Usa ꞌain ca José cuantëcënti ꞌaíshbi —Herodes axa bama ꞌain ca aín bëchicë Arquelao, ax Judea menu ꞌapu ꞌicë —quixun ñuia cuax anu cuantëcënti racuë́acëxa. Racuëti ca namáquin istancëx Judea me anu Arquelao ꞌicë anu cuaníma Galilea menu cuancëxa, aín namácësabi oi.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Mateo 28:5

Usaría suntárucamax racuë́mainun ca ángelnën xanu rabë́ cacëxa: —Racuë́axma ca ꞌit. Cana ꞌunanin, mitsun camina Jesús, a i curúsocënu matásëxancë, a barin.

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 2:4

Usa ꞌain ca José Galilea menu ꞌicë ëma Nazaret cacë, anuax Belén cacë ëmanu cuancëxa. Belén ax ca Judea menu ꞌicë ëma, anuaxa David bacë́an, a ꞌiacëxa. José, ax David aín rëbúnqui ꞌaish, ca aín anë ꞌai Belénu cuancëxa.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Apocalipsis 19:7

Cuëëinra cuëënquin a rabinun ca rabican. Anúan a Carnero ꞌicësaribitia unin ꞌucha cupí bama, ax aín unicamabë biránanti nëtë ca uaxa. Aín unicamax ca abë ꞌinux mëníocaxa, unían biti xanúxa aín bënëbë biránanux upiti mëníocacësaribiti.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.