Mateo 1:19 - Kashibo-Kakataibo Biblia

¹⁹ José ax ca upí uni ꞌiacëxa. Usa ꞌixun ca unínma chanioia quixun unin ꞌunánunma María ënti sináncëxa.

Nukën 'Ibu Diosan ain unikama 'inan ain bana

¹⁹ José ax ca upí uni 'iacëxa. Usa 'ixun ca unínma chanioia quixun unin 'unánunma María ënti sináncëxa.

Mateo 1:19 ပူးပေါင်းရင်းမြစ်များ

Génesis 38:24

Usai ax ꞌikë rabë́ ꞌimainun achúshi ꞌuxë ꞌirukësa ꞌain ka, Judá achúshi unin kakëxa: —Min piaka Tamar ax ka bëtsi unikamabë ꞌiaxa, usa ꞌaish na tuukë ax unibë ꞌikë kupían tuukë ꞌikën. Usai kia kuati ka Judá munuma kuënkëni kiakëxa: —¡Bitankëxun kamina a xanu në́nkanti ꞌain!

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Levítico 19:20

Uix kara an ñu ꞌaxunkë xanu bëtsi unin binuxun kakë ꞌaínbi abë ꞌiaxa, an ka a xanuxa marukëma ꞌianan axia ꞌinun ënkëmapain ꞌikëbi, usakin akë kupín an binuxun kakë uni a kupíoti ꞌikën; ꞌaínbi ka uni ꞌimainun xanux uisabi okinma ënkë ꞌiti ꞌikën.

Marcos 10:4

Cacëx ca quiacëxa: —Moisésnëan cuënëo banax ca ësai quin, “ënquin ca unin —ënë xanu ca bërí ꞌën xanuma ꞌicë —quixun quirica ꞌatancëxun ꞌinánquin aín xanu ënti ꞌicë” quiax.

Marcos 6:20

Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 27:39

Usa ꞌain ca pëcaracëbëtan me isquinbi uinu cara quixun an nunti niquincë unicaman ꞌunánma ꞌicën. ꞌUnánquinmabi ca parúnpapa tsintúncënua masi isquin anu manë nunti ꞌaruti sináncëxa.

2 Corintios 1:15

Mitsúxmi usai nubë cuëënti ꞌunánx cana mitsu isi rabëti cuanti sinan, mitsúxmi nubë isanani cuëënun.