Marcos 9:9 - Kashibo-Kakataibo Biblia

⁹ Usaquiani matánuax cuanquin ca Jesusan atu cacëxa: —Mitsúnmi iscë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Nukën 'Ibu Diosan ain unikama 'inan ain bana

⁹ Usaquiani matánuax cuanquin ca Jesusan atu cacëxa: —Mitsúnmi iscë ënë ñucama camina uinu 'icë unibi ñuixuntima 'ain. Uni 'inux Nucën Papa Diosnuax uá, 'ëx bamatancëx baísquicëbëtan cuni camina ënë ñucama unicama ñuixunti 'ain.

Marcos 9:9 ပူးပေါင်းရင်းမြစ်များ

Mateo 12:19

Ax ca unicamabë cuëbícanantima ꞌicën, ca cërúanantima ꞌicën. Bain cuani munuma cuëncëni banaquin ca unicama cuamitima ꞌicën.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 27:63

Cuanxun ca cacëxa: —A cëmë unix ca bamacëma pain ꞌaish: ꞌËx cana bamaxbi rabë́ ꞌimainun achúshi nëtë ꞌicëbë baísquiti ꞌai quiax quiaxa. A bana cananuna sinanin.

Mateo 8:4

Pëxcutia ca Jesusan a uni ꞌësëquin cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixun camabi unin ꞌunánun.

Marcos 5:43

Ratutia ca Jesusan anu ꞌicë unicama cacëxa: —ꞌËn mitsu cacësabi oquin camina mitsúnmi iscë ñu ënë uibi ñuixuntima ꞌain —quixun canan ca —xu xanu ca pimit —quixun cacëxa.

Marcos 7:36

Usoquin a uni pëxcutancëxun ca Jesusan anu ꞌicë unicama uinu ꞌicë unibi ñuixunxunma ꞌanun quixun cacëxa. Usaquin cacëxunbi ca ñuiacëxa. Ñuia asérabi ñuixunxunma ꞌanun Jesusan catëcëncëxunbi ca a unicaman usai ca a uni pëxcúaxa quixun ñuiaraishiacëxa.

Marcos 9:10

Usaquian Jesusan cacësabi oquin a ñucama ui unibi ñuixunímabi ca atúxbi cuni canani quiacëxa: —¿Uisai quicë cara, bamatancëx cana ꞌëx baísquiti ꞌai, quicë ax ꞌic?

Marcos 9:8

Quia cuati cuainacëquin amocüa iscëxbi ca uíbi ꞌaíma ꞌimainun Jesúsëshi anu ꞌiacëxa.

Lucas 24:46

ꞌUnánmiquin ca ësaquin cacëxa: —Ësai ca a bana quia, Cristo ca bamatancëx rabë́ ꞌiónxa pëcaratëcëncëbë baísquiti ꞌicën.

Lucas 9:36

Ësai banaia cuatancëxuan iscëx ca Jesúsëshi anu ꞌiacëxa. Usaía ꞌia isanan cuaxunbi ca Pedro ꞌimainun Juan, Jacobo, acaman ui unibi ñuixuanma ꞌicën.