Marcos 9:7 - Kashibo-Kakataibo Biblia

⁷ Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca ꞌëx amiira sináncë, ꞌën bacë bëchicë ꞌicën. Aín bana ca cuacan.

Nukën 'Ibu Diosan ain unikama 'inan ain bana

⁷ Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca 'ëx amiira sináncë, 'ën bacë bëchicë 'icën. Aín bana ca cuacan.

Marcos 9:7 ပူးပေါင်းရင်းမြစ်များ

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Éxodo 24:16

Mapukëbë ka aín bashi Sinaí kakë anua Nukën ꞌIbun kushi ubuti ichutia atun iskankëxa, iskëbëtan ka mapai achúshi ꞌimainun achúshi nëtën kuinan mapukë ꞌiakëxa. Mapukë ꞌain ka anuxun achúshi nëtë ꞌitëkënkë anun mapai ꞌimainun rabë́ nëtë ꞌikëbëtan Moisés kuin mëuxun Nukën ꞌIbun kuëankëxa.

Éxodo 40:34

këñúkë ka kuinan xubusa okin chupa ꞌakë anu ꞌibúkin mapumainun ka Nukën ꞌIbun kushin ꞌain namë anu ichúkin tsitsiarakëxa.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Mateo 27:43

Ax isa aín Bëchicë ꞌaish Nucën Papa Diosmi catamëtia ca quiaxa. Ax asérabi anun cuëëncë ꞌixun ca Nucën Papa Diosan bërí ië́mitsianxa, usa ꞌaínbi ca ië́mima.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:11

Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Marcos 9:8

Quia cuati cuainacëquin amocüa iscëxbi ca uíbi ꞌaíma ꞌimainun Jesúsëshi anu ꞌiacëxa.

Lucas 3:22

Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Juan 19:7

Ësaquian cacëxun ca judíos unibunën Piláto cacëxa: —Ënë unix ca ꞌëx cana Nucën Papa Diosan Bëchicë ꞌai quia. Usa ꞌain ca axa ësai banacë unix ca ꞌacë ꞌiti ꞌicë quiax Moisésnën cuënëo bana quicësabi oi bamati ꞌicën.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 5:37

Mitsun aín bana cuacëma ꞌixunmi uisa cara ax ꞌicë quixun iscëma ꞌaínbi ca Nucën Papa Dios, an ꞌë xuá, aín banax ꞌë ñui asérabi quia.

Juan 6:69

Nux mimi catamëquin cananuna ꞌunan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a ꞌain.

Juan 9:35

Fariseo unicaman ca bëpë́xcucë uni chiquíanxa quixuan unin ñuia cuaquin ca Jesusan bariquin mëraxun a bëpë́xcucë uni cacëxa: —¿Axa uni ꞌinux Nucën Papa Diosnuax uá, ami caramina sinanin?

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

2 Pedro 1:17

Usaquin iscë ꞌixun cananuna camabi unin ꞌunánuan, a ñui, Nucën Papa Dios ësai quia cuacën: “Ënëx ca ꞌën nuibairacë ꞌën Bacë Bëchicë ꞌicën, a cupí cana chuáma tani cuëënin” —quiax.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.