Marcos 9:50 - Kashibo-Kakataibo Biblia

⁵⁰ Ësa ca. Tashix ca asábi ꞌicën. Asábi ꞌaíshbia aín muca nëtëtia camina uisaxunbi amiribishi mucotëcëntima ꞌain. Mitsúxbi ca tashisa ꞌit. Bëtsibë nishananima ca nuibanani bucucan.

Nukën 'Ibu Diosan ain unikama 'inan ain bana

⁵⁰ Ësa ca. Tashix ca asábi 'icën. Asábi 'aíshbia aín muca nëtëtia camina uisaxunbi amiribishi mucotëcëntima 'ain. Mitsúxbi ca tashisa 'it. Bëtsibë nishananima ca nuibanani bucucan.

Marcos 9:50 ပူးပေါင်းရင်းမြစ်များ

Salmos 34:14

Ñu ꞌatima ꞌati a ënkin kamina ñu upí ꞌati ꞌain; usakin ꞌakin kamina ami ꞌakë ñu a ënkinma abi ꞌati ꞌain.

Mateo 5:13

Ësaquinribi ca Jesusan cacëxa: —Mitsux camina ënë nëtënu ꞌaish tashisa ꞌain. Tashin ca anun tashíncëxun ñu mucoquin upí ꞌimia. Usaribi oquin camina mitsun mibë ꞌicë unicama upiti bucunun ꞌaquinin. Tashi axa aín muca nëtëtia ca unin uisaxunbi amiribishi mucotëcëntima ꞌicën. Usa ꞌaish ca a tashi mucañuma ñancáishi ꞌicën. ꞌAisama ꞌicë ca unin putia, putia unin amácëx ca nëtëtia. Mitsun upiti bucunun mibë ꞌicë unicama ꞌaquincëma ꞌaish camina a tashíxa mucañuma ꞌicësaribi ꞌiti ꞌain.

Marcos 9:34

Cacëxunbi ca bain cuani —uinu ꞌicë nucama achúshinëxira cara nubë sënë́nma ꞌicë —quiax atúxbi ñucacanánpuni rabínquin cáma ꞌicën.

Marcos 9:49

Nucën Papa Diosan usoquin ꞌacë́xa upí isnun ca judíos unicaman ꞌaracacë ñuina xaronuxun tashíancëxa. Usaribi ꞌicëa Nucën Papa Diosan nu upí isnun cananuna nuxribi upíshi ꞌiti ꞌain.

Romanos 12:18

Mitsux camina ax paían mimi nishcëxma uni raírimi nishtima ꞌain. Usa ꞌaish camina atúxa mitsumi nishcëxbi mitsux abë nishanantima ꞌain.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Efesios 4:29

ꞌAtimati banaima upitishi banaquin camina uni Jesucristomia upiti catamënun ꞌaquinti ꞌain. Mitsúxmi usai banaia cuati Jesucristomi upiti catamëtia Nucën Papa Diosan nuibaquin ꞌaquincëx ca cuëënti ꞌicën.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

Colosenses 4:6

Unibë banai camina upí oquian sinánun upí sinánñu ꞌaish upitishi banati ꞌain. Usa ꞌixun camina mia ñucácëxun caramina uisoquin cati ꞌain quixun ꞌunánti ꞌain.

1 Tesalonicenses 5:13

Atúan upí oquin mitsu ꞌaquincë cupí camina acama nuibaquin, asérabi ca upí uni ꞌicë quixun sinánquin, atun bana cuati ꞌain. Camina bëtsibë bëtsibë nishánanima upí onani chuámashi bucucanti ꞌain.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

Santiago 1:20

Axa nishcë unix ca Nucën Papa Dios cuëëncësabi oi ꞌima.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.