Marcos 9:32 - Kashibo-Kakataibo Biblia

³² Usaía quiabi ca atun cuama ꞌicën. Cuatímabi ca upí oquian ñuixunun Jesús catimi racuë́acëxa.

Nukën 'Ibu Diosan ain unikama 'inan ain bana

³² Usaía quiabi ca atun cuama 'icën. Cuatímabi ca upí oquian ñuixunun Jesús catimi racuë́acëxa.

Marcos 9:32 ပူးပေါင်းရင်းမြစ်များ

Marcos 16:14

Usai ꞌitancëx ca Jesús aín ꞌunánmicë unicama mëcën rabë́ ꞌimainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An ꞌë baísquicë iscëcaman, asérabi ꞌëx baísquicë isun cacëxunbi camina, asérabi ca baísquiaxa quixun ꞌë sinántisama tan.

Marcos 7:18

Cacëxun ca Jesusan cacëxa: —¿Mitsúnribi caramina ꞌën cacëxun ꞌën bana cuatiman? Piti, ax ca unin nuitunu atsinima. Picëx ca aín pucunuishi atsíntancëx amiribishi chiquitia. ¿Usa cat? Usa ꞌain ca Nucën Papa Diosan aín cuëbitan ñu picë a cupí uni upíma isima. Ësai qui ca Jesús, camabi ñu ca piti asábi ꞌicë, quiacëxa.

Marcos 8:33

Cacëx cuainacëquin aín ꞌunánmicë unicama isquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. ꞌËn Papa Dios cuëëncësabi oi ꞌiaxma ꞌëx ꞌinun quixun sinánquin camina unin sináncësa oquinshi sinanin.

Marcos 9:10

Usaquian Jesusan cacësabi oquin a ñucama ui unibi ñuixunímabi ca atúxbi cuni canani quiacëxa: —¿Uisai quicë cara, bamatancëx cana ꞌëx baísquiti ꞌai, quicë ax ꞌic?

Lucas 18:34

Jesusan usaquin cacëxunbi ca aín ꞌunánmicë unicaman uisai cara quia quixun cuama ꞌicën. Uisai qui cara usai quia quixunbi ca ꞌunánma ꞌicën.

Lucas 2:50

Cacëxun cuaquinbi ca Josébëtan Maríanën uisoquin caquin cara usoquin caia quixun ꞌunánma ꞌicën.

Lucas 24:45

Usaquin caxun ca a ñuiquian cuënëo banacama upí oquian cuanun ñuixunquin anu timë́cë unicama ꞌunánmiacëxa.

Lucas 9:45

Usaía quiabi ca atun cuama ꞌicën. Atúan cuaxunma ꞌanun ca Nucën Papa Diosan atu cuamiama pain ꞌicën. Usa ꞌain ca upí oquian ñuixunun Jesús catimi aín ꞌunánmicë unicama racuë́acëxa.

Juan 12:16

Usai ꞌia isquinbi ca aín ꞌunánmicë unicaman, a ñuiquin cuënëo bana quiásabi oi ca ꞌia quixun ꞌunánma ꞌicën. Baísquitancëxa Jesús naínu cuantëcëan cuni ca a ñuiquian, usai ca ꞌiti ꞌicë quixun cuënëosabi oi ca ꞌiaxa quixun ꞌunáncancëxa.

Juan 16:19

A ñucácatsi quiáxa canania ꞌunánquin ca Jesusan atu cacëxa: —Ënu mitsubë ꞌitancëx nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcënti ꞌai quixun ꞌën mitsu cacë bana ñui caramina cananin?

Juan 4:27

Cacëbëbi ca aín ꞌunánmicë unicama utëcëancëxa. Uquin xanubëa Jesús banaia isi ratúquinbi ca uinu ꞌicë unínbi —¿añu caramina cuëënin? —canan —¿añu ñui caramina a xanubë banain? —quixun cáma ꞌicën.