Marcos 9:31 - Kashibo-Kakataibo Biblia

³¹ ꞌUnánquibianquin ca acamaishi buánquin ësaquin cacëxa: —Uni ꞌinux Nucën Papa Diosnuax uá ꞌë ca unin, an raíri uni ꞌaminun uni ꞌinánti ꞌicën. ꞌInáncëxun bixun ca ꞌë ꞌati ꞌicën. ꞌAcëx bamatancëx cana rabë́ ꞌimainun achúshi nëtë ꞌicëbë baísquinuxun ꞌain.

Nukën 'Ibu Diosan ain unikama 'inan ain bana

³¹ 'Unánquibianquin ca acamaishi buánquin ësaquin cacëxa: —Uni 'inux Nucën Papa Diosnuax uá 'ë ca unin, an raíri uni 'aminun uni 'inánti 'icën. 'Ináncëxun bixun ca 'ë 'ati 'icën. 'Acëx bamatancëx cana rabë́ 'imainun achúshi nëtë 'icëbë baísquinuxun 'ain.

Marcos 9:31 ပူးပေါင်းရင်းမြစ်များ

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 27:63

Cuanxun ca cacëxa: —A cëmë unix ca bamacëma pain ꞌaish: ꞌËx cana bamaxbi rabë́ ꞌimainun achúshi nëtë ꞌicëbë baísquiti ꞌai quiax quiaxa. A bana cananuna sinanin.

Marcos 10:34

ꞌInáncëxun ca ꞌëmi cuaianan tushucanan mëëtancëxun ꞌë ꞌati ꞌicën. Usoquian ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Marcos 8:31

Ësaquin catancëxun ca aín bamati ñuiquin Jesusan aín ꞌunánmicë unicama ësaquin cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Marcos 9:12

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Lucas 9:44

—Camina upí oquin cuati ꞌain. Cuaquin camina mitsun uisa ꞌixunbi manutima ꞌain, uni ꞌinux Nucën Papa Diosnuax uá ꞌë ca unin an raíri uni ꞌaminun uni ꞌinánti ꞌicën.

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Juan 2:19

Cacëxun ca Jesusan cacëxa: —Mitsúnmi tëncapatiabi cana ënë xubu ꞌën rabë́ ꞌimainun achúshi nëtë́inshi ꞌatëcënti ꞌain.

Juan 3:14

Moisésnëan anu uni ꞌicëma menuxun manë ꞌacë runu, camabi unin isnun, i nitsínxun anu nansaribi oquin ca uni ꞌinux Nucën Papa Diosnuax uá ꞌicë, ꞌë unin ꞌati ꞌicën,

2 Timoteo 2:12

Nucën Papa Dios ainan cupí tëmëraquinbi ëncëma ꞌaish cananuna abë ꞌapusa ꞌiti ꞌain. Usa ꞌaínbi ca nuxnu —ꞌëx cana Jesucristonën unima ꞌai —quicëbë axribi nu ñui —ax ca ꞌën unima ꞌicë —quiti ꞌicën.