Marcos 9:25 - Kashibo-Kakataibo Biblia

²⁵ Ësoquian cacëbëa ꞌitsa uni anu timëtia isquin ca Jesusan ñunshin ꞌatima cacëxa: —Ñunshin ꞌatima, an uni banañuma ꞌimianan pabë ꞌimicë, mi cana cain, ënë tuánuax ca ashiti chiquit. Chiquítancëx camina amiribishi anu utëcëntima ꞌain.

Nukën 'Ibu Diosan ain unikama 'inan ain bana

²⁵ Ësoquian cacëbëa 'itsa uni anu timëtia isquin ca Jesusan ñunshin 'atima cacëxa: —Ñunshin 'atima, an uni banañuma 'imianan pabë 'imicë, mi cana cain, ënë tuánuax ca ashiti chiquit. Chiquítancëx camina amiribishi anu utëcëntima 'ain.

Marcos 9:25 ပူးပေါင်းရင်းမြစ်များ

Mateo 12:22

Usai ꞌicëbëtan ca uni achúshi ñunshin ꞌatimanën ꞌimicëxa bëxuñu ꞌianan banañuma, a Jesúsnu unin bëacëxa. Bëia Jesusan pëxcucëxun ca banaquin isacëxa.

Mateo 17:18

Cacëxuan bëcëbëtan ca Jesusan a tuánu ꞌicë ñunshin ꞌatima chiquínun caquin chiquíancëxa. Chiquícëbë ca pëxcuti asábi ꞌiacëxa.

Marcos 9:15

Usai cuëbicanánquinbi Jesús aia isi camáxbi ratuti abáquiani riquianxun ca —¿Caina ain? —quixun cacëxa.

Marcos 9:24

Cacëxun ca munuma banaquin a tuacën papan cacëxa: —Min camina camabi ñu ꞌati ꞌai quixun cana ꞌunanin. Usa ꞌaínbi camina, upí oquinra ꞌunánun ꞌë ꞌaquinti ꞌain.

Marcos 9:26

Cacëx ca ñunshin ꞌatima munuma cuëncëni amiribishi a tuá aín nami nimë́miquin bërërumi bamacësa ꞌitánun nipacëmi chiquíacëxa. Usocëxa racácë isi ca —ca bamaxa —quicáncëxa.

Lucas 11:14

An ꞌimicëxa uni achúshi banañuma ꞌain ca Jesusan a uninua ñunshin ꞌatima chiquíancëxa. Usoquin chiquíncëbëa banaia isi ca anu ꞌicë unicama ratúacëxa.

Lucas 4:35

Quia ca Jesusan cacëxa: —Ca nëtët. Ënë uninuax ca chiquít. Usaquian cacëx ca ñunshin ꞌatima a uni menu nipacëmi, anu ꞌicë unicaman ismainunbi, chiquíacëxa, uisabi oíma.

Lucas 4:41

Ñunshin ꞌatimanëxribi ca ꞌitsa uni ꞌinsíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë ꞌain. Quiabi ca Jesusan —ca nëtë́t —caquin ñunshin ꞌatima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a ꞌicë quixun ꞌunáncë ꞌaíshbi usai quiti ca Jesús cuëëanma ꞌicën. Usa ꞌain ca atúxa quiabi nëtë́miacëxa.

Lucas 9:42

Cacëxuan bëcë́xa aia ca ñunshin ꞌatimanën menu nipacëmiquin aín nami nimëtia bërërunun ꞌimitëcëancëxa. Usaquian ꞌimia chiquínun caquin ñunshin ꞌatima chiquínxun ca Jesusan a tuá pëxcüacëxa. Pëxcuquin ca aín papa —ca asábi ꞌicën, ca ꞌiquin —quixun cacëxa.

Hechos 16:18

Usai quiquin ca ꞌitsa nëtën nu nuiacëxa. Usoquin ꞌuran ubíocëx cuainacë́quin ca Pablonën ñunshin ꞌatima cacëxa: —Jesucristonëan quimicëxun cana mi cain, ënë xanunuax ca chiquit. Quixuan cacëxëshi ca bënëtishi ñunshin ꞌatima chiquíacëxa.

Judas 1:9

Usaría a unicamax quicë ꞌaínbi ca usoquin caquinma ángelcaman cushi, Miguel, an abë banaquin ñunshin ꞌatimanën ꞌapu ꞌatima bana ꞌinánquinma, Moisés bamacë rabanan abë cuëbicanancëxunbi, Miguelnën ñunshin ꞌatimanën ꞌapu ësaquinshi cacëxa: “Nucën ꞌIbu Diosan ca mi ꞌuchoquin ñu cati ꞌicë” quixun.