Marcos 9:24 - Kashibo-Kakataibo Biblia24 Cacëxun ca munuma banaquin a tuacën papan cacëxa: —Min camina camabi ñu ꞌati ꞌai quixun cana ꞌunanin. Usa ꞌaínbi camina, upí oquinra ꞌunánun ꞌë ꞌaquinti ꞌain. အခန်းကိုကြည့်ပါ။Nukën 'Ibu Diosan ain unikama 'inan ain bana24 Cacëxun ca munuma banaquin a tuacën papan cacëxa: —Min camina camabi ñu 'ati 'ai quixun cana 'unanin. Usa 'aínbi camina, upí oquinra 'unánun 'ë 'aquinti 'ain. အခန်းကိုကြည့်ပါ။ |
Usai ꞌiti cupía ainan ꞌinun caíscë ꞌixun usai ca aín uni ꞌiti ꞌicë quixun an sináncësabi oi ꞌinun mitsu ꞌiminun cananuna Nucën Papa Dios mitsu nëtë camabi ñucáxunin. Ñucáxuanan cananuna ax cuëëncësabi oquinmi mitsun upí ñu ꞌaisa tancë acama ꞌanan ami catamëtia an mitsu sinánmicëxunmi upí oquin ꞌanun aín cushínbi mitsu cushionun quixun a ñucatin.
Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.
Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.