Marcos 9:2 - Kashibo-Kakataibo Biblia

² Usaquin aín ꞌunánmicë unicama catancëx ca mëcën achúshi ꞌimainun achúshi nëtë ꞌicëbë aín ꞌunánmicë uni raíri ëbiani, Pedrocëñun Jacobo ꞌimainun Juan, acamaishi buani Jesús matánu cuancëxa. Anu cuantancëx ca acaman ismainunbi Jesús bëtsiacëxa.

Nukën 'Ibu Diosan ain unikama 'inan ain bana

² Usaquin aín 'unánmicë unicama catancëx ca mëcën achúshi 'imainun achúshi nëtë 'icëbë aín 'unánmicë uni raíri ëbiani, Pedrocëñun Jacobo 'imainun Juan, acamaishi buani Jesús matánu cuancëxa. Anu cuantancëx ca acaman ismainunbi Jesús bëtsiacëxa.

Marcos 9:2 ပူးပေါင်းရင်းမြစ်များ

1 Reyes 18:33

a rapasu karuribi tikakëxa, tíkaxun ka vaca bakë bërí kanikë aribi rëxun mëníoxun chánkapatankëxun karu tíkakin bukúnkë anu puruakëxa.

1 Reyes 18:42

Ësokin kakëx ka Ahab pianan xëai kuankëxa. ꞌAínbi ka Elías aín bashi Carmelo kakë manámi, mapërakëax, anuax menu rantinpuruni aín ranbuxunu aín bëmánan nani tëtúbuti ꞌiakëxa,

Éxodo 24:13

Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Isaías 33:17

Usa ꞌain kamina mitsun bërúnbi axa ꞌapu ꞌiti uni a istëkënti ꞌain, ax ka ꞌapu ꞌupíira ꞌinuxun ꞌaia; an ka uinu kara me kuainakëakëxa anu ꞌaísha ꞌuraira ꞌaínbi unikaman ꞌapu ꞌiti ꞌikën.

Isaías 53:2

Nukën ꞌIbun ka kuëëankëxa, aín uni axa ñu ꞌapákëx bërí koi kani aín tapunkama me ëskikë ꞌukëmëu kuankë usairibi ꞌiti. Usa ꞌaínbi ka upíma ꞌianan, chabáchabákikë upima ꞌiakëxa, ain namix ka usa ka kixun unin ñachakin istisama ꞌiakëxa;

Mateo 14:13

Usaquian Juan ꞌacëa aín unicaman ñuixuncëx ca Jesús anuax nuntin cuanx anua uni ꞌicëma menu cuancëxa. Usa ꞌain ca —anu ca Jesús ꞌicë —quixuan chanioia cuabiani bëtsi bëtsi ëmanu ꞌicë unicamax men anua Jesús ꞌicë anu cuancëxa.

Marcos 14:33

Usaquin cabiani Pedro, Jacobo, Juan, acama buani cuanibi ca —uisai carana ꞌiti ꞌai —quixun sinani bënëti masá nuituacëxa.

Marcos 16:12

Usai ꞌitancëxa ëmanuax bain cuancëbë ca Jesús a unicama rabë́mi, bëtsi unisa ꞌaish, chiquiracëacëxa.

Marcos 5:37

Usaquin cabiani cuanbaiti a ꞌapun xubunu bëbaquin ca Pedro ꞌimainun Jacobo ꞌimainun Jacobonën xucën Juan, acamaishi abëa cuanun cacëxa.

Lucas 6:12

Usa ꞌain ca aín Papabë banai Jesús matánu cuancëxa. Cuantancëx ca imë́ ꞌuxti tëai abë banacëxa.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

2 Corintios 13:1

Mitsu isi rabëti cuan ꞌaíshbi cana amiribishi mitsu isi cuantëcënti ꞌain. Camabi ñu ca unin, rabë́ unían ñuia cuapánti ꞌicën. Rabë́ ꞌimainun achúshi unían ñuiaira ca asérabi ca quixun ꞌunánti ꞌicën.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.