Marcos 9:12 - Kashibo-Kakataibo Biblia

¹² Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Nukën 'Ibu Diosan ain unikama 'inan ain bana

¹² Cacëxun ca Jesusan cacëxa: —Elías ax pain ca uti 'icë quicë bana ax ca asérabi 'icën. Uxun ca unicama Nucën Papa Diosmia sinánun sinánmiti 'icën, usai quicë bana ca asérabi 'icën. ¿Usa 'aínbi cara axa Nucën Papa Diosnuax uni 'inux uá a ñuicë bana uisai quin? Ca quia, ax ca unin bëtsi bëtsi ocëx tëmërati 'icën.

Marcos 9:12 ပူးပေါင်းရင်းမြစ်များ

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Isaías 52:14

Usa ꞌain ka ꞌitsaira uni a isi ratúkanti ꞌikën, ain bëmánan bëtsianan ka aín nami, unin nami iskësa akamax unin nami iskësama bëtsikë ꞌiti ꞌikën. (Ënë banax ka hebreo banan usai kia.)

Malaquías 4:6

ꞌImainun ka aín papakama ꞌimainun aín bëchikëkamaribi upiti mëníonanti ꞌikën. Usai ꞌikëbëtama kana ukin a unikama atun me ꞌatima okin këñuti ꞌain. Usai ka Dios kiakëxa.

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Marcos 10:33

—Mitsúnbi camina isin, bërí cananuna Jerusalénu cuanin. Anuxun ca uni ꞌinux Nucën Papa Diosnuax uá, ꞌë unin ꞌinánti ꞌicën, judíos sacerdotenën cushicamacëñun an Moisésnën cuënëo bana ꞌunáncë unicama. ꞌInáncëxun ca atun —a uni ca bamati ꞌicë —quixun catancëxun judíosma unicaman ꞌanun ꞌë ꞌinánti ꞌicën.

Marcos 9:13

Elías ax pain ca uti ꞌicë quicë banax asérabi ꞌaínbi cana mitsu cain, Elías pain ca uaxa. Ucëbi ca judíos unicaman atúxa cuëëncësa oquinshi a ꞌatimoxa, a ñui Nucën Papa Diosan bana cuënëo quicësabi oquin ca ꞌacanxa.

Marcos 9:31

ꞌUnánquibianquin ca acamaishi buánquin ësaquin cacëxa: —Uni ꞌinux Nucën Papa Diosnuax uá ꞌë ca unin, an raíri uni ꞌaminun uni ꞌinánti ꞌicën. ꞌInáncëxun bixun ca ꞌë ꞌati ꞌicën. ꞌAcëx bamatancëx cana rabë́ ꞌimainun achúshi nëtë ꞌicëbë baísquinuxun ꞌain.

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Lucas 23:11

Usaria ca Herodesbëtan aín suntárucaman Jesús ꞌatimonan a ꞌusánquin cuaioquin ꞌapúan pañucë chupa pañumitancëxun Pilátonua buántëcëntanun quixun xuacëxa.

Lucas 23:39

A Jesús ꞌacësaribi oquin i curúsocënu matáscë uni rabë́, achúshinën ca ami ꞌatimati banaquin ꞌusánquin Jesús cacëxa: —¿Mix caramina Cristoma ꞌain? Mix asérabi Cristo ꞌaish ca mixbi ië́t. Ië́anan ca nuribi ië́mit.

Hechos 1:6

Usatancëxun ca bëtsi nëtën abë timë́ax bucuxun an uni bana ñuixunun xutia caíscë unicaman Jesús cacëxa: —Nucën ꞌIbu, nux cananuna Israelnën rëbúnqui ꞌain, nun ꞌapu ꞌaíshbi ca nun aintsima ꞌicën. Usa ꞌain ¿caramina bërí nun aintsi achúshi nun ꞌapu ꞌinun mëníoti ꞌain?

Hechos 4:11

Cuënëo bana axa ësai quicë a camina ꞌunan, an maxax xubu ꞌacë unían a cuëënquinma raírishi caísun biquin racáncë maxax ꞌaíshbi ca a maxax bërí ami a xubu cushicë ꞌicën, itá upímia xubucama cushicë usaribiti. A banaxa quicësaribiti ca Jesucristo ami aín unicama cushicë ꞌiti ꞌicë quixun ca Nucën Papa Diosan bërí mëníoxa.