Marcos 8:38 - Kashibo-Kakataibo Biblia

³⁸ Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Nukën 'Ibu Diosan ain unikama 'inan ain bana

³⁸ Ui unix cara 'ënan 'icëbia axa 'ëmi sináncëma unin 'usánti sinani 'ënan 'itimi rabíanan 'ën bana quicësai 'itimi rabinia, a uníxa 'ënan 'itimi cana 'ëxribi rabínti 'ain, uni 'inux anuax uá 'aish cuantancëx 'ën Papa Diosbë 'Apu 'itancëx aín ángelcamabë utëcëni.

Marcos 8:38 ပူးပေါင်းရင်းမြစ်များ

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Mateo 12:39

Cacëxun ca Jesusan cacëxa: —Unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain.

Mateo 13:41

ꞌËx uni ꞌinux Nucën Papa Diosnuax uá ꞌixun ꞌën ángelcama xucëxun ca an ñu ꞌaisama ꞌacë unicama ꞌimainun an bëtsi uni ñu ꞌaisama ꞌanun ꞌamicë unicamaribi bitancëxun

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 16:4

Ënë unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain. Usoquin cabiani ca Jesús anu ꞌicë unicama ëbiani cuancëxa.

Mateo 24:30

Usaía ꞌicëbëtan ca uni ꞌinux Nucën Papa Diosnuax uá, ꞌëx utëcënia isti ꞌicën. Isi ca camabi menu ꞌicë ui unicamax cara Nucën Papa Diosmi sináncëma ꞌicë, acamax masá nuituti bënëti inti ꞌicën. Usai ꞌiquin ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia isnuxun ꞌaia.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Marcos 13:26

Usaía ꞌicëbëtan ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia unicaman isnuxun ꞌaia.

Marcos 14:62

Cacëxun ca Jesúsan cacëxa: —ꞌËx cana a ꞌain. Mitsux camina uni ꞌinux anuax uá, ꞌë, Nucën Papa Dios cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 8:37

¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Lucas 19:26

Usaquin cacëxun ca aín ꞌapun caxa: Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan ñu ꞌaxuncëxunma a ꞌináncë ñu a aín ꞌibun bicuanti ꞌicën.

Lucas 9:26

Ui unix cara ꞌënan ꞌitimi rabianan ꞌën bana quicësai ꞌitimi rabinia, a uníxa ꞌënan ꞌitimi cana uni ꞌinux anuax uá ꞌaish cuantancëx ꞌëxribi rabínti ꞌain, ꞌën Papa Diosbë ꞌApu ꞌitancëx aín ángelcamabë utëcëni.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni ꞌinux ꞌëx anuax uá, ꞌë manáminuaxa Nucën Papa Diosan ángelcama cuaruanan ubutia isnuxun ꞌain.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 5:27

Uni ꞌinux anuax uá cupí ca uicamax cara aín ꞌucha tërë́ncë ꞌicë isanan uicamax cara ꞌuchañu ꞌicë isnun, Nucën Papa Diosan ꞌë ꞌimiacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Gálatas 6:14

Usa ꞌaínbi cana ꞌëxbi rabiacaquinma, i curúsocënua ax bama ꞌaían a cupí uni ië́ti, Nucën ꞌIbu Jesucristo, ashi rabin. Cristo i curúsocënu bama cupí cana a ꞌën ꞌatia Nucën Papa Dios cuëëncëma ñucama ëni, usa ñu ꞌatëcënti cuëëniman. ꞌImainun ca unin a ꞌatia Nucën Papa Dios cuëëncëma ñu ꞌë ꞌamitima ꞌicën.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

1 Tesalonicenses 3:13

Usoquian an ꞌaquincëxmi asérabi a ꞌinamëcë ꞌaish ami cushicë ꞌicëa, Cristo aín unicamabë utëcëncëbëtan, Nucën Papa Diosan añu ꞌuchañumabi ꞌicë mitsu isti cananuna cuëënin.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

Hebreos 11:16

Cuantëcënti ꞌaíshbi ca anu cuantëcëinsama tancëxa. A menu ꞌicësamaira oi bëtsi nëtë, upíira a Nucën Papa Diosan atu mëníoxuncë, anu ꞌiti ca cuëëancëxa. Usa ꞌain ca Nucën Papa Dios —ꞌëx cana atun Dios ꞌai —quixun sinani cuëënia. Usai cuëënquin ca anua atux abë ꞌiti nëtë mëníocëxa.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.

Hebreos 13:13

Usa ꞌain cananuna Jesús, axa ëma ꞌuracëox ꞌuchañuira uni ꞌicësari bama, a nuxnu ainan ꞌicëa uni itsin tëmëramianan ꞌusáncëxunbi, ainan ꞌiti ëntima ꞌain.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Juan 2:23

Camabi uni axa —Jesús ax Cristoma ꞌicë, cana ami catamëtima ꞌai —quicë uni, ax ca Nucën Papa Diosmiribi catamëcëma ꞌicën. Usa ꞌaínbi ca axa —Jesús asérabi Nucën Papa Diosan Bëchicë ꞌaish asaribi ꞌicë cana ami catamëti —quicë unicama, abë Jesucristo ꞌimainun Nucën Papa Diosribi ꞌicën.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

Apocalipsis 14:10

a unicama ca Nucën Papa Diosan ꞌaisamairai ami nishquin castícanti ꞌicën. Acaman ca anuaxa manë tsi ꞌimainun azufre rëquirucë, anuxun ꞌaisamaira oquin paë tanti ꞌicën. Nucën Papa Diosan ángelcama ꞌimainun Carnero ꞌicësaribitia unin ꞌucha cupí bama, acaman ca atúxa usai ꞌia isti ꞌicën.