Marcos 8:35 - Kashibo-Kakataibo Biblia

³⁵ Uin cara aín cuëëncësa oquin ꞌai, ënë nëtënu upitax tsotishi sinania, ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma uisai cara ꞌiquinbi ꞌëmi catamëquin ꞌëx quicësabi oquin ꞌaia, ax Nucën Papa Diosnan ꞌaish aín nëtënu abë ꞌiti ꞌicën.

Nukën 'Ibu Diosan ain unikama 'inan ain bana

³⁵ Uin cara aín cuëëncësa oquin 'ai, ënë nëtënu upitax tsotishi sinania, ax ca Nucën Papa Diosnan 'itima 'icën. Usa 'aínbi ca uinu 'icë unin cara ënë nëtënushi upitax tsóti sinánquinma uisai cara 'iquinbi 'ëmi catamëquin 'ëx quicësabi oquin 'aia, ax Nucën Papa Diosnan 'aish aín nëtënu abë 'iti 'icën.

Marcos 8:35 ပူးပေါင်းရင်းမြစ်များ

Eclesiastés 3:6

Anu ka anun ñu ꞌaisa kara kixun tanti nëtë ꞌikën, ꞌimainun ka anun ñu ꞌakatsikixun ꞌaxunbi sinanatëkënkin ënti nëtëribi anu ꞌikën. Anu ka anun ñu bukunrukin nanti nëtë ꞌikën, ꞌimainun ka anun ñu puti nëtëribi anu ꞌikën.

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 10:39

Uix cara aín cuëëncësa oquin ꞌai ënë nëtënu upitax tsótishi sinania ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma ꞌëmi catamëquin ꞌëx quicësabi oquin ꞌaia ax ainan ꞌaish Nucën Papa Diosan nëtënu abë ꞌiti ꞌicën.

Mateo 16:25

Uin cara aín cuëëncësa oquin ꞌai, ënë nëtënu upitax tsótishi sinania, ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma ꞌëmi catamëquin ꞌëx quicësabi oquin ꞌaia, ax Nucën Papa Diosnan ꞌaish aín nëtënu abë ꞌiti ꞌicën.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Marcos 8:36

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën.

Lucas 17:33

Uix cara aín cuëëncësa oquin ꞌai ënë nëtënu upitax tsótishi sinania ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma ꞌëx quicësabi oquin ꞌaia ax ainan ꞌaish Nucën Papa Diosan nëtënu abë ꞌiti ꞌicën.

Lucas 9:24

Uin cara aín cuëëncësa oquin ꞌai, ënë nëtënu upitax tsótishi sinania, ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma uisai cara ꞌiquinbi ꞌëmi catamëquin ꞌëx quicësabi oquin ꞌaia, ax Nucën Papa Diosnan ꞌaish aín nëtënu abë ꞌiti ꞌicën.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 21:13

Cacëxbi ca Pablo quiacëxa: —¿Añu cupí caramina usai banai bëunan mëscúquin ꞌë masá nuitumin? Jerusalénuxuan Nucën ꞌIbu Jesúsnan cupí ꞌë nëacancëxbi cana bënë́tima ꞌain. Usoquin nëanan ꞌë ꞌacancëxbi cana asábi ꞌiti ꞌain.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

1 Corintios 9:23

Jesucristomi catamëtia Nucën Papa Diosan ainan ꞌinun ië́minun cana unicama bana ñuixunin, Jesucristomi catamëcëbë atubë cuëënuxun.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

Hebreos 11:35

Bëtsi bëtsi xanun ca aín tuá bamacë ꞌicëbi Nucën Papa Diosan sinanën baísquiia biacëxa. Raíri unin ca unin Nucën Papa Diosan bana ënun quixun bëtsi bëtsi oquin paë tanmicëxunbi, ami sinánquin ëníma —ꞌëx masócë ꞌaish bamaibi cana Jesucristobë ꞌiti ꞌai —quixun sinánquin ami catamëti ënquinma tanshiacëxa.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.