Marcos 8:31 - Kashibo-Kakataibo Biblia

³¹ Ësaquin catancëxun ca aín bamati ñuiquin Jesusan aín ꞌunánmicë unicama ësaquin cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Nukën 'Ibu Diosan ain unikama 'inan ain bana

³¹ Ësaquin catancëxun ca aín bamati ñuiquin Jesusan aín 'unánmicë unicama ësaquin cacëxa: —Uni 'inux Nucën Papa Diosnuax uá, 'ëx cana 'atimocë 'iti 'ain. 'Imainun ca caniacëcëcamabë judíos sacerdotenën cushicama 'imainun an Moisésnën cuënëo bana 'unáncë unicamax ën bana cuaisama tani 'ëmi nishti 'icën. 'Ëmi nishquin ca 'ë uni itsi 'amiti 'icën. Usaquian 'ë 'acëx bamatancëx cana rabë́ 'imainun achúshi nëtë 'icëbë baísquiti 'ain.

Marcos 8:31 ပူးပေါင်းရင်းမြစ်များ

Salmos 118:22

An xubu ꞌakë unikaman timakin rakan maxá ax ka bërí maxá upí ami xubu ꞌakin uarukin nankë a ꞌikën.

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Oseas 6:2

An ka bënë́kinshi nun ñu ꞌatima ꞌakëkama mëníokin nukama upí ꞌimiti ꞌikën, usakin ꞌakin ka nukama an iskëx upí tsónun ꞌimiti ꞌikën.

Jonás 1:17

ꞌAínbi ka Diosan bakanu ꞌikë ñuina chaiira bainanmë ꞌëo achúshi an Jonás éti nankë ꞌiakëxa. Usokian ꞌakëx ka Jonás rabë́ ꞌimainun achúshi nëtë ꞌianan rabë́ ꞌimainun achúshi imë́ ñuina chaiira bainanmë ꞌëo aín pukunu ꞌiakëxa.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Mateo 21:42

Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma ꞌain?: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti. Usaía ꞌinun ca Nucën Papa Diosan ꞌimiaxa. An usoquin mëníocëx ca nun iscëx asábiira ꞌicën”. ¿Usaquian maxax ñuiquinbi ꞌë ñuiquin cuënëo bana a caramina mitsun iscëma ꞌain?

Mateo 27:63

Cuanxun ca cacëxa: —A cëmë unix ca bamacëma pain ꞌaish: ꞌËx cana bamaxbi rabë́ ꞌimainun achúshi nëtë ꞌicëbë baísquiti ꞌai quiax quiaxa. A bana cananuna sinanin.

Marcos 12:10

¿Nucën Papa Diosan bana cuënëo ësai quicë, a caramina mitsun iscëma ꞌain?, An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Lucas 17:25

ꞌËn Papanu cuancëma pan ꞌixun cana unían bëtsi bëtsi ocëxun paë tanti ꞌain. ꞌImainun ca ënë nëtënua bucucë unicaman ꞌë timaquin ꞌën bana cuaisama tanti ꞌicën.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 12:48

An ꞌë timaquin ꞌën bana cuaisama tancë uni ax ca ꞌën bana quicësa oquin ꞌacëma cupí, ënë mecama cëñúti nëtën ꞌuchocë ꞌiti ꞌicën.

Juan 2:19

Cacëxun ca Jesusan cacëxa: —Mitsúnmi tëncapatiabi cana ënë xubu ꞌën rabë́ ꞌimainun achúshi nëtë́inshi ꞌatëcënti ꞌain.

Hechos 7:35

A aín aintsin titicaquin —¿uin cara nun ꞌapu ꞌixunmi nun ꞌacë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi ꞌixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

1 Corintios 15:4

Bamacëa maíncancëxbi ca rabë́ nëtë ꞌiónxa pëcaracëbë baísquiacëxa. Usaía ꞌiti ñuiquin ca Nucën Papa Diosan ꞌamicëxun aín unin cuënëocëxa.

1 Samuel 10:19

ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 8:7

kakëxunbi ka Nukën ꞌIbun ësakin kakëxa: “Añu ꞌaxúnun kara Israel kaman mi kaia usakinbi kamina ꞌaxúnti ꞌain, atúan min kakëxun kuaisama tankë ax ka min banama ꞌën bana kuaisama tankë ꞌikën, usai ꞌikin ka atun ꞌëx aín ꞌapu ꞌixun ꞌakinti kuëënkanima.