Marcos 8:22 - Kashibo-Kakataibo Biblia

²² Usaquin cabiani cuanx ca Betsaida cacë ëmanu Jesús bëbacëxa. Bëbacëbëtan ca uni raírinën bëxuñu uni achúshi anu bëquin a isa ramënun quixun caquin bënëacëxa.

Nukën 'Ibu Diosan ain unikama 'inan ain bana

²² Usaquin cabiani cuanx ca Betsaida cacë ëmanu Jesús bëbacëxa. Bëbacëbëtan ca uni raírinën bëxuñu uni achúshi anu bëquin a isa ramënun quixun caquin bënëacëxa.

Marcos 8:22 ပူးပေါင်းရင်းမြစ်များ

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 14:36

Bëcëxun ca ñucë unicaman Jesús cacëxa: —Min chupa cuëbíshi ca nu ticamit. Ësaquin caquin ticaíshi ca ꞌinsíncë unicamax pëxcúacëxa.

Mateo 8:15

Mëraxuan aín mëcën mëëcëxëshi ca aín ꞌitsis nëtë́acëxa. Usocëxëshi pëxcuti niruxun ca atu pimiacëxa.

Mateo 8:3

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Mateo 9:29

Cacëxun ca Jesusan aín bëru mëëquin cacëxa: —Mitsúnmi ꞌën cana mitsu bëmënioti ꞌai quixun sináncësabi oquin cana mitsu ꞌati ꞌain.

Marcos 2:3

Ñuixuncëbëtanbi ca rabë́ ꞌimainun rabë́ unin uni achúshi ñucë, nirucuaínquinbi tancëma, bacë́tinu racácë bëacëxa.

Marcos 3:10

An ꞌitsa uni pëxcucë cupía —ꞌën ticacëxuinshi ca ꞌëribi pëxcuti ꞌicë —quixun sinani, ꞌinsíncë unicamax anuxun a ticanux tsitsírucëbëtan ca usaquin Jesusan aín ꞌunánmicë unicama cacëxa. Cacëxun ca ꞌaxúancëxa.

Marcos 6:45

Usotancëxun ca an tsiánquianquin unicama cabianmainuan, atux pain manë nuntinu cëñúruquiani ꞌucë manan Betsaida ëmanu cuanun quixun Jesusan aín ꞌunánmicë unicama xuacëxa.

Lucas 10:13

Ësaquinribi ca Jesusan cacëxa: —Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Lucas 9:10

Usa ꞌain ca aín ꞌunánmicë unicaman, an xucëx cuanx anu utëcënxun atun ꞌacë ñucama Jesús ñuixuancëxa. Ñuixuncëxun cuatancëxun ca Jesusan Bëtsaida ëma ꞌurama anu aín ꞌunánmicë unicama buáncëxa.

Juan 1:44

Felipe Betsaida ëmanu ꞌicë uni ꞌain, ca Andrés ꞌimainun Pedroribi, anu ꞌicë uni ꞌiacëxa.

Juan 12:21

Cuanxun ca Galilea menu ꞌicë ëma itsi, Betsaida, anu ꞌicë uni, Felipe, a mëraquin cacëxa: —Jesús cananuna istisa tanin.