Marcos 8:2 - Kashibo-Kakataibo Biblia

² —Ënë unicamax ca ënu, rabë́ ꞌimainun achúshi nëtë ꞌëbë ꞌicën. Usa ꞌaish ca a atun piti ñuñuma ꞌicën. Usa ꞌain cana ꞌën atu ꞌitsaira nuibaquin ꞌaquinsa tanin.

Nukën 'Ibu Diosan ain unikama 'inan ain bana

² —Ënë unicamax ca ënu, rabë́ 'imainun achúshi nëtë 'ëbë 'icën. Usa 'aish ca a atun piti ñuñuma 'icën. Usa 'ain cana 'ën atu 'itsaira nuibaquin 'aquinsa tanin.

Marcos 8:2 ပူးပေါင်းရင်းမြစ်များ

1 Reyes 19:6

Usakin kakëx bësukin arapasukua barikinbi ka Elíasnën, au masuia uxkë anua pán anuxun xuiti ꞌakë anuxun xuikësa a ꞌimainun achúshi anun ꞌumpax biti papitiñu amia ꞌumpax nankë mërakëxa. Mërai nirutankëxun ka pán pianan ꞌumpax aribi xëakëxa; usakin ꞌatankëx ka amiribishi ꞌuxtëkëankëxa.

Salmos 103:13

Uikaman kara a nuibakin ax kikësabiokin ꞌaia, a unikama ka Diosan unían aín bakë bëchikëkama ꞌakësaribi okin nuibatia;

Salmos 145:15

Kamabi unin ka anun ꞌinánti nëtë ꞌikëbëtan min ꞌinánkëxun piti binuxun kainia.

Salmos 145:8

Nukën ꞌIbu Dios an ka nuibanairakë ꞌixun, bënëtishi ami nishkin ꞌatima okinma uni nuibatia.

Miqueas 7:19

Amiribishi kamina nukama nuibatëkënti ꞌain, usokin ꞌakin kamina unían me naëtankëxun mainkëxa ñu nëtë́kë usaía ꞌitánun nun ꞌatima ñu ꞌakëkama ꞌati ꞌain. ꞌAnan kamina unían parúmpapa nëminnu nikëxa ñu nëtë́kë usaribi ꞌitánun nun ꞌuchakëkama ꞌati ꞌain.

Mateo 14:14

Usaía ꞌitsa unia riquiancëbë manë nuntinuax ꞌibúquianquin ca unicama timë́cë isquin Jesusan atu nuibacëxa. Nuibaquin ca ꞌinsíncë unicama pëxcüacëxa.

Mateo 20:34

Usaquian cacëxun nuibaquin ca Jesusan atu bëmëëacëxa. Bëmëëcëxuinshi ca isacëxa. Isi cuëënquiani ca Jesúsbë cuancëxa.

Mateo 9:36

Uinu cara Jesús ꞌicë anubi ca ꞌaisamaira uni ꞌiacëxa. Usai ꞌia an atu Nucën Papa Dios ñuiquin ꞌunánmianan ami sinánun ꞌaquinti ꞌaíma ꞌain ca axa piánancë ñuinacan ubíocëxa ꞌaracacë ñuina, an a bërúanti aín ꞌibu ꞌaíma ꞌain, bënëti sináncasmai ꞌicësaribiti ꞌiacëxa. Usaia ꞌia atu isquin ca Jesusan a unicama nuibacëxa.

Marcos 1:41

Cacëxun ca nuibaquin, aín mëcënan ramëquin Jesusan a uni cacëxa: —Cana mi ꞌati ꞌain. Min nami ca upí ꞌitëcëni motia.

Marcos 5:19

Cacëxunbi ca Jesusan abë cuanxma ꞌinun caquin cacëxa: —Min xubunu ca cuantan. Cuantancëxun camina min aintsicama uisoxun cara Nucën ꞌIbu Diosan mi nuibaquin pëxcüaxa quixun ñuixunti ꞌain.

Marcos 6:32

Cabiani ca manë nuntin a camáxbi anu uni ꞌicëma menu cuancëxa.

Marcos 6:34

Manë nuntinuax ꞌibúquian Jesusan iscëx ca anua timë́cë unicamax an atu Nucën Papa Diosmi sinánun ꞌaquinti ꞌaíma ꞌain, ꞌaracacë ñuinanëxa an bërúanti aín ꞌibu ꞌaíma ꞌain sináncasmai bënë́cësaribi ꞌiacëxa. Usai ꞌia isquin ca Jesusan unicama nuibacëxa. Nuibaquin ca ca ꞌitsa ñu ñuiquin atu bana ñuixuancëxa.

Marcos 8:3

ꞌËn ñu naracamixunma atun xubunu xucëxbi ca cuaníbi bainuax bëënanti ꞌicën, raírinëx ca ꞌuracëox uaxa.

Marcos 9:22

Usa ꞌicë ca ñunshin ꞌatimanën bamamicatsi quixun ꞌitsa oquin tsinu ꞌirumianan bacanuribi nipacëmia. Usa ꞌain camina min ꞌaisa ꞌicë nu a pëxcuxunti ꞌain.

Lucas 15:20

Usaquin sinántancëx ca aín papanu cuanxa. Cuania ca ꞌuránxunbi aín papan mëraxa. Mërai nuibati cuëëni abáquiani cuanxun ca ꞌicúquin biquin bëtsucucaxa.

Lucas 7:13

A isquin nuibaquin ca Jesusan a xanu cacëxa: —Iánxma ca ꞌit.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.

Hebreos 5:2

Usa ꞌixun ca axribi uni ꞌicëa ñunshin ꞌatimanën ꞌapun ñu ꞌatima ꞌanun quixun tancëxun ꞌunan ꞌixun uni itsi usaribiti ꞌia ꞌaquinti ꞌunania. An ca, —usa ñu ꞌati ca ꞌaisama ꞌicë —quixun ꞌunánquinma an ñu ꞌacë unicama ꞌimainun, —usa ñu ꞌati ca ꞌaisama ꞌicë —quixun ꞌunánquinbi ꞌacë unicama aribi, ami nishquinma atux upí ꞌinun ꞌaquinti ꞌicën.