Marcos 8:17 - Kashibo-Kakataibo Biblia

¹⁷ Canania ꞌunánquin ca Jesusan cacëxa: —¿Uisa cupí caramina mitsux, pán cananuna bëcëma ꞌai quiax cananin? ¿ꞌËn ñu ꞌaia isunbi caramina ui carana ꞌëx ꞌai quixun ꞌunaniman, upí oquin caramina cuatiman?

Nukën 'Ibu Diosan ain unikama 'inan ain bana

¹⁷ Canania 'unánquin ca Jesusan cacëxa: —¿Uisa cupí caramina mitsux, pán cananuna bëcëma 'ai quiax cananin? ¿'Ën ñu 'aia isunbi caramina ui carana 'ëx 'ai quixun 'unaniman, upí oquin caramina cuatiman?

Marcos 8:17 ပူးပေါင်းရင်းမြစ်များ

Isaías 63:17

¿Uisa ꞌixun kaina mix Nun ꞌIbu ꞌixunbi mix kikësokin ꞌati ëni, min kakësokin ꞌaíma nun nuitu iruarakin min kakësabiokin ꞌaisamatanun nu ꞌimin? Min unikama ꞌanan min kaisa aín ñakánu ꞌikëkama nuibakë ꞌixun, kamina mixmi nishkë a sinanati ꞌain.

Mateo 12:15

Usax ca fariseo unibu ꞌësënania ꞌunánbiani Jesús anuax cuancëxa. Cuancëbë ca ꞌitsa uni abë cuancëxa. Cuania ca Jesusan uni ñucëcama pëxcuquin,

Mateo 15:17

Unían ñu aín cuëbitan picëx ca aín pucunuishi atsinia. Atsíntancëx ca amiribishi chiquitia. ¿A caramina ꞌunaniman?

Mateo 16:7

Cacëx ca —nunu pán bëcëma cupí ca nu usaquin caia —quiax aín ꞌunánmicë unicamax canancëxa.

Marcos 16:14

Usai ꞌitancëx ca Jesús aín ꞌunánmicë unicama mëcën rabë́ ꞌimainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An ꞌë baísquicë iscëcaman, asérabi ꞌëx baísquicë isun cacëxunbi camina, asérabi ca baísquiaxa quixun ꞌë sinántisama tan.

Marcos 2:8

Usaquian sinania atun sinan ꞌunánquin ca Jesusan atu cacëxa: —¿Uisacasquin caramina mitsun usaquin sinanin?

Marcos 3:5

Quiáma atu ñachai nishi masá nuituquin ca Jesusan —uisa cupí cara ënë unicama axa ꞌinsíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa.

Marcos 6:52

Jesusan aín sinanënshi pán ꞌitsamia isquinbi uisaira cara aín cushi ꞌicë quixun sinanima ca suñúan nëtë́cëbë sináncasmacëxa.

Marcos 8:16

Cacëx ca atúxbi canancëxa: —Nunu pán bëcëma cupí ca nu usaquin caia.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.