Marcos 8:11 - Kashibo-Kakataibo Biblia

¹¹ Cuanxa bëbacëbë ricuatsinxun ca fariseo unicaman abë cuëbicánanquin, Nucën Papa Diosan cushin caraisa ñu ꞌaia iscatsi quixun, Jesusan aín sinanënbi isa unían iscëma ñu naínua ꞌanun quixun cacëxa.

Nukën 'Ibu Diosan ain unikama 'inan ain bana

¹¹ Cuanxa bëbacëbë ricuatsinxun ca fariseo unicaman abë cuëbicánanquin, Nucën Papa Diosan cushin caraisa ñu 'aia iscatsi quixun, Jesusan aín sinanënbi isa unían iscëma ñu naínua 'anun quixun cacëxa.

Marcos 8:11 ပူးပေါင်းရင်းမြစ်များ

Éxodo 17:2

shiman këñutisatankin Moisés ñukákin ësokin kakëxa: —Kananuna shiman, këñutisa tanin nu kamina ꞌumpax xëanun ꞌinánti ꞌain, kixun kakëxun ka Moisésnën kakëxa. —¿Uisati karamina mitsun ësakin ꞌë kain? ¿Mitsux karamina Diosmi sinanima ami manuan? —Kixun ka Moisésnën atu kakëxa.

Éxodo 17:7

usakin ꞌatankëxun ka Moisésnën anua ꞌikë me a Meribá kakin anëakëxa, anuaxa Israel unibu Diosmi ꞌatimai banakë ꞌikë ka usakin anëakëxa, anëanan ka Masá kakinribi anëakëxa, ax ka nu kara Diosan ꞌakinti ꞌikë kixun sinánkima Israel unibunën ꞌatima okin sinánkë kupín ka usakin anëakëxa, ¿Nubë kara Nukën ꞌIbu ꞌikën nubëma kara Dios ꞌik?

Malaquías 3:15

Nukaman kananuna axa rabiakakë unikamaxa kuëënia isanan, an ñu ꞌatima ꞌakë unikama axa ñuñu ꞌia isan, usai ꞌikin ka atun uisa kara oia iskatsi kixun Dios tania, usakin tankëxubi ka an uisabi okin ꞌatima oima.

Mateo 12:38

Cacëxun ca an Moisésnën cuënëo bana ꞌunáncë unicama ꞌimainun fariseo unicaman Jesús cacëxa: —Min camina asérabi Nucën Papa Diosan cushin ñu ꞌai quixun nun ꞌunánun camina nun nu isnun uni itsían ꞌacëma ñu ꞌati ꞌain.

Mateo 19:3

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Uisai cara ꞌiashia unin aín xanu ënti cara asábi ꞌic?

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Mateo 22:15

Jesusan bana ñuixunia cuatancëx, ꞌuri cuanquin ca fariseo unicama ami manáncatsi quixun sinánquin, uisai cara quia cuanuxuan an Jesús ñucáti uni xuti sináncëxa.

Mateo 22:18

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain.

Mateo 22:23

A nëtë́nbi ca Jesúsnu saduceo unicamax cuancëxa. Saduceo unicaman ca —bama ꞌaish ca uni baísquitima ꞌicë —quixun sináncëxa. Usaquin sináncë ꞌaish anu cuanxun ca Jesús ñucáquin cacëxa:

Marcos 12:15

Cacëxun ca Jesusan —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain. Uisa cara isnun ca ꞌapu buánmiti manë curíqui achúshi ꞌë bëxun.

Marcos 2:16

Usoquian atubëtan piia isquin ca an Moisésnën cuënëo bana ꞌunáncë unicamabëtan fariseo unicaman Jesusan ꞌunánmicë unicama ñucáquin cacëxa: —¿Uisa cupí cara an mitsu ꞌunánmicë unin ꞌuchañu unicamabëtan pianan an ꞌapu buánmiti curíqui bicë unicamabëtanribi pin?

Marcos 9:16

Cacëxun ca cacëxa: —Cana ain. ¿Añu ñui caramina atubë cuëbicanancanin?

Lucas 10:25

An Moisésnën cuënëo bana ꞌunáncë uni achúshinën ca uisoquin caraisa caia quixun ꞌunáncatsi quixun sinánquin Jesús ësaquin ñucácëxa: —¿Añu carana ꞌëx ainan ꞌaish xënibua ꞌaínbi Nucën Papa Diosbë ꞌinuxun ꞌati ꞌain?

Lucas 11:16

Quimainun ca raírinën, Nucën Papa Diosan cushin caraisa ñu ꞌaia iscatsi quixun, aín sinanënbia unin iscëma ñu naínu ꞌanun quixun cacëxa.

Juan 4:48

Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

Juan 6:30

Cacëxun ca cacëxa: —¿Nuxnu mimi sinánun caramina añu nun isnun ꞌati ꞌain? ¿Añu caramina ꞌati ꞌain?

Juan 7:48

Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Juan 8:6

Ami manánuxun uisai cara isa quia cuacatsi quixun ca usaquin atun Jesús cacëxa. Cacëx meu bësui tëtúbuxun ca ñucácëxunbi uni caquinma aín mëcën rëbun me cuënëocëxa.

Hechos 5:9

Cacëxunbi ca Pedronën cacëxa: —¿Uisaira ꞌixun caramina Nucën Papa Diosan Bëru Ñumshin Upí parani ami ꞌuchati min bënëbëtan sinan? Bëná unicama ca min bënë maínbëtsini aia. Atun ca usaribitimi bamaia miribi buánti ꞌicën.

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.

Deuteronomio 6:16

Nukën ꞌIbu Dios kamina uisa kara mi oia iskatsi kixun, Masá kakë me anuxun ꞌakansa okin tantima ꞌain.