Marcos 7:4 - Kashibo-Kakataibo Biblia

⁴ anua ñu marutinuax uxun cananuna nashixunma piman. Nun chaitiocëcaman ꞌásabi oquin cananuna nun manë xampa, nun ꞌó ñutë, nun manë ñutë, a ꞌimainun nun ꞌuxtiribi chucaian. Usonan cananuna ñu raíriribi nun chaitiocëcaman ꞌásabi oquin ꞌain.

Nukën 'Ibu Diosan ain unikama 'inan ain bana

⁴ anua ñu marutinuax uxun cananuna nashixunma piman. Nun chaitiocëcaman 'ásabi oquin cananuna nun manë xampa, nun 'ó ñutë, nun manë ñutë, a 'imainun nun 'uxtiribi chucaian. Usonan cananuna ñu raíriribi nun chaitiocëcaman 'ásabi oquin 'ain.

Marcos 7:4 ပူးပေါင်းရင်းမြစ်များ

Isaías 1:16

¡Mitsúnmi ꞌuchakin ꞌakë ñukama a ëni kamina mëníokakanti ꞌain! ¡Mitsúnmi ꞌakë ꞌatima ñukama a kamina, ꞌën istisabi okin ënti ꞌain! ¡ꞌAisama ñumi ꞌakankë akamina ënkanti ꞌain!

Mateo 23:25

An Moisésnën cuënëo bana ꞌunáncë unicama ꞌimainun fariseo unicama, mitsun camina usabi oquin ꞌacë ꞌixun unicama paranin. Paránquin camina Nucën Papa Diosainsa mitsun nuitu upí isnun quixun xanpa ꞌimainun ñutë acama aín caxu chucain. Usaquin ꞌaquinbi camina mitsun nuitu mëu upíma ñu sinanin. Uni paránquin camina aín ñua mitsu ꞌinánun quixun sinánmianan ñunshínquin mitsun cuëëncë ñu biti acama sinanin. Mitsúxmi usa ꞌicë ca Nucën Papa Diosan uisa cara mitsu oti ꞌicë usoquin ꞌati ꞌicën.

Mateo 23:26

Fariseo uni, bëxuñu unisa camina mix ꞌain. Xanpa aín namë́ pain chucacëx ca aín caxuribi chuañuma ꞌiti ꞌicën. Usaribi oquin camina min nuitu pain upí ꞌinun mëníoti ꞌain, min ꞌacë ñucamaxribi upí ꞌinun.

Mateo 27:24

Usa ꞌain ca mëníoisama ꞌinun sharati unicama tsuáquirumisari ꞌia isi, atun ismainunbi, ꞌumpaxan mëchucaquin ca Pilatonën cacëxa: —Ënë uníxa bamacëbëbi ca ꞌën ꞌuchama ꞌicën. Mitsux cuëënxun camina ꞌati ꞌain.

Marcos 7:8

Mitsun camina Nucën Papa Diosan bana quicësabi oquin ꞌati a ënquin mitsun chaitiocëcaman sinan bana a tanquin axa quicësabi oquin ꞌain, mëchucanan ñutë chucati, acama.

Juan 2:6

Anu ca ꞌiacëxa mëcën achúshi ꞌimainun achúshi maxax ꞌacë ñutë, anu anúan judíos unicama mëchucati ꞌunpax nanti. A ñutëcama sapi ca veinte ꞌianan treinta galones ꞌunpax anu ꞌaruti ꞌiacëxa.

Juan 3:25

Usa ꞌain ca judío uni achúshinëx Juanëan ꞌunánmicë unicamabë, aín raraxa quiásabi oquin Nucën Papa Diosa cuëënun ñu ꞌati ñui cuëbicanancëxa.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.