Marcos 7:31 - Kashibo-Kakataibo Biblia

³¹ Usaquiani anua Tiro ëma ꞌicë menuax cuanx ca Jesús Sidón ëma ꞌimainun Decapolis cacë me aribi rëxcëbiani, parúmpapa Galileanu cuantëcëancëxa.

Nukën 'Ibu Diosan ain unikama 'inan ain bana

³¹ Usaquiani anua Tiro ëma 'icë menuax cuanx ca Jesús Sidón ëma 'imainun Decapolis cacë me aribi rëxcëbiani, parúmpapa Galileanu cuantëcëancëxa.

Marcos 7:31 ပူးပေါင်းရင်းမြစ်များ

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 4:18

Parúmpapa Galilea cuëtani cuanquinbi ca Jesusan rabë́ uni mëracëxa. A uni rabëtax ca achúshi Simón ꞌicëbi Pedroribi cacë, a ꞌimainun aín xucë́n Andrés cacë ꞌiacëxa. A rabëtax an tsatsa bicë uni ꞌixuan tsatsa ricania ca Jesusan mëracëxa.

Mateo 4:25

Usoquin bana ñuixuanan unicama pëxcubiania cuania ca ꞌaisamaira unin Jesús nuibiancëxa. Galilea menu ꞌicë unicama ꞌimainun Decapolis cacë menu ꞌicë unicama ꞌimainun Jerusalénu ꞌicë unicama ꞌimainun Judea mecamanu ꞌicë unicama ꞌimainun Jordán baca ꞌucë manánuaxribi ucë unicaman ca abë cuanquin Jesús nuibiancëxa.

Marcos 5:20

Usaquian cacëx cuanxun ca Decapolis cacë me, anu ꞌicë unicama uisaquin cara Jesusan a ꞌaxa quixun ñuixuancëxa. Ñuixuncëxuan chanioia cuati ca camáxbi ratúacëxa.

Marcos 7:24

Anuax cuanx ca Jesús anua Tiro ꞌimainun Sidón ꞌicë menu bëbacëxa. Bëbatancëx ca, ꞌëx cana ënu ꞌai quixunma unin ꞌunania quixun sinani achúshi xubunu atsíancëxa. Usaquian sinaniabi ca unicaman ꞌunáncëxa.

Marcos 7:30

Cacëx cuanx aín xubunu bëbaquin ca aín tuá anuaxa ñunshin ꞌatima chiquícë ꞌain, anua ꞌuxcënu, mëní sinan ꞌaish, racácë mëracëxa.