Marcos 7:26 - Kashibo-Kakataibo Biblia

²⁶ A xanux ca judíosma, Sirofenicia menu ꞌicë ꞌiacëxa. Usa ꞌixun ca aín tuánua isa ñunshin ꞌatima chiquínun quixun Jesús cacëxa.

Nukën 'Ibu Diosan ain unikama 'inan ain bana

²⁶ A xanux ca judíosma, Sirofenicia menu 'icë 'iacëxa. Usa 'ixun ca aín tuánua isa ñunshin 'atima chiquínun quixun Jesús cacëxa.

Marcos 7:26 ပူးပေါင်းရင်းမြစ်များ

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Mateo 15:22

Bëbaia ca anu ꞌicë Cananea xanu, an anu cuanquin munuma banaquin Jesús caráishiacëxa: —Mix camina Nucën ꞌIbu, Davitan rëbúnqui ꞌain. Usa ꞌixun camina ꞌë ꞌaquinti ꞌain. ꞌËn ini tuá ca anua ñunshin ꞌatima ꞌain ꞌitsaira paë tania.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Marcos 7:25

Usa ꞌain ca —anu ca —quixun cuabëtsini ñunshin ꞌatimañu xanu tuacën titax uax Jesús tanáin rantin puruni tsóbuacëxa.

Marcos 7:27

Cacëxunbi ca —judíos unicama pain ꞌaquini cana uacën —quixun sinánquin Jesusan ësaquin cacëxa: —Tuá xura pimiti bixunbi camun pimiti ca ꞌaisama ꞌicën. Tuá xuratsucun pain ca piti ꞌicën.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.