Marcos 7:21 - Kashibo-Kakataibo Biblia

²¹ Aín nuitu mëu ca unin ꞌatima ñu ꞌati sinania, xanu cuaioti, uni itsin ñu mëcamati, uni ꞌati, aín xanuma ꞌaínbi xanubë ꞌiti,

Nukën 'Ibu Diosan ain unikama 'inan ain bana

²¹ Aín nuitu mëu ca unin 'atima ñu 'ati sinania, xanu cuaioti, uni itsin ñu mëcamati, uni 'ati, aín xanuma 'aínbi xanubë 'iti,

Marcos 7:21 ပူးပေါင်းရင်းမြစ်များ

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Génesis 8:21

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 14:1

An ꞌunántisa ꞌikëbi ñu ꞌunánkëma unikaman ka Dios isa ꞌaíma ꞌikë kixun sinania: kamaxunbi ka ñu ꞌatimashi ꞌaia; usakin ꞌakin ka ñu ꞌatimaira ꞌakania; ¡an upí ñu ꞌakë uinu ꞌikë uni achúshirabi ka ꞌaíma ꞌikën!

Salmos 14:3

ꞌAínbi ka kamaxunbi ꞌatima okinshi sinania; usa ꞌixun ka bëtsin ꞌakësaribi okin ꞌatima ñuira ꞌakania. ¡An ñu upí ꞌakë uni ka achúshirabi ꞌaíma ꞌikën! ¡Achúshira unixi ka an ñu upí ꞌakë ꞌaimaira ꞌikën!

Mateo 15:19

Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Marcos 7:20

Catancëxun ca Jesusan ësaquinribi cacëxa: —Aín nuitunën ꞌatimaquin sinánquian ñu ꞌacë cupíshi ca Nucën Papa Diosan uni upíma isia.

Marcos 7:22

uni itsin ñu cuëënti, ꞌatima nuituñu ꞌiti, uni paránti, ꞌatima ꞌicëbi tënëquinma ñu ꞌati, nutsiti cëmëquin uni ñuiti, rabíti, nuituñuma ꞌiti, acama.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Hechos 5:4

Minan ꞌaish ca a me maruxunmi a cupí bicë curíqui mix cuëëncësabi oquin ꞌati asábi ꞌiaxa. ¿Uisa cupí caramina cëmëti sinan? Mix usai ꞌicë ax ca unimishi cëmëcëma ꞌicën. Camina Nucën Papa Diosmi cëmëan.

Hechos 8:22

ꞌËn iscëx camina mix ꞌatimaira nuituñu ꞌain. Usaquin sinani camina ꞌën iscëx nuituñuma ꞌaish sinanatimoi ꞌicësa ꞌain. Usa ꞌaíshbi camina sinanaquin usaquin sinánti ënquin min nuitu mëúmi ꞌatimaquin sináncë a cara mi tërë́nxunti ꞌicë mi tanun Nucën Papa Dios ñucáti ꞌain.

Romanos 7:5

Ainanma pain ꞌaish nux cuëëncësabi oi ꞌiquin cananuna, ñu ꞌatima ꞌati ca ꞌaisama ꞌicë quicë bana ꞌunánxunbi nun sinan upíma ꞌixun, usa ñu ꞌacën. Usa ñu ꞌacë ꞌaish cananuna Nucën Papa Diosbë ꞌitimoi bamati ꞌiacën.

Romanos 7:8

A bana usai ca uni ꞌitima ꞌicë quicë, ax asábi ꞌaínbi cananuna nun sinan upíma ꞌaish, a bana ꞌunáncë ꞌaíshbi usai ꞌicë cupí ꞌuchoti ꞌiacën. A bana, usai ca uni ꞌitima ꞌicë quicë, ax ꞌaíma ꞌain ca anun nu ꞌuchoti bana ꞌaíma ꞌitsíanxa.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 2:4

Usoquin ꞌaquin camina camabi uni sënën nuibaquinma ꞌatima sinánñu ꞌixun raírishi nuibanan raíri uni ꞌatimoin.