Marcos 7:20 - Kashibo-Kakataibo Biblia

²⁰ Catancëxun ca Jesusan ësaquinribi cacëxa: —Aín nuitunën ꞌatimaquin sinánquian ñu ꞌacë cupíshi ca Nucën Papa Diosan uni upíma isia.

Nukën 'Ibu Diosan ain unikama 'inan ain bana

²⁰ Catancëxun ca Jesusan ësaquinribi cacëxa: —Aín nuitunën 'atimaquin sinánquian ñu 'acë cupíshi ca Nucën Papa Diosan uni upíma isia.

Marcos 7:20 ပူးပေါင်းရင်းမြစ်များ

Miqueas 2:1

¡Uisa kara Judánu ꞌikë unikama an ꞌuxkinma imë́bi ꞌatima ñu ꞌatishi sinánkë unikama a oti ꞌain, kixun sinánëkin ka pëkarakëbëtan, an sinánëkë ñu a ꞌaia, atun ka usokin ñu ꞌati ꞌunánkëira ꞌikën, usa ꞌixun ka usakin ñu ꞌakanania!

Mateo 15:18

Usa ꞌaínbi ca uni masáquin sinani ꞌatimati banaia. Aín nuitu upíma ꞌain ca usai banaia. Usa ꞌicë Nucën Papa Diosan iscëx ca uni ꞌatima ꞌicën.

Mateo 4:4

Cacëxunbi ca Jesusan cacëxa: —Ësai ca Nucën Papa Diosan bana cuënëo quia: “Pán piishi ca uni tsótima ꞌicën. Uisai cara Nucën Papa Dios quia a bana ꞌairibi ca uni tsóti ꞌicën”.

Marcos 7:15

An ñu aín cuëbitan picë cupí ca Nucën Papa Diosan uni upíma isima. Ama. Aín nuitu ꞌatima ꞌixun ꞌatima ñu ꞌanan ꞌatimati banacë, a cupí ca Nucën Papa Diosan uni upíma isia.

Marcos 7:21

Aín nuitu mëu ca unin ꞌatima ñu ꞌati sinania, xanu cuaioti, uni itsin ñu mëcamati, uni ꞌati, aín xanuma ꞌaínbi xanubë ꞌiti,

Marcos 7:23

Aín nuitunën sinánquian a ñucama ꞌacë unicamax ca Nucën Papa Diosan iscëx upíma ꞌicën. Usaquin ca Jesusan unicama cacëxa.

Hebreos 7:6

Usa ꞌaínbi ca Melquisedec, Levitan rëbúnqui ꞌixunmabi, Abrahamnën aín ñucama mësú ꞌináncëxun biacëxa. Nucën Papa Diosan upí oquin sinánxuncë, Abraham, a ca Melquisedecnën aín ñu biquin —an cacësabi oquin usoquin ca Nucën Papa Diosan mi ꞌaxunti ꞌicë —quixun caquin Nucën Papa Dios ñucáxuancëxa.

Santiago 3:6

Tsi chamaratsu usaribi ca nun ana, a cupínu nun cuëbitan banacë, ax ꞌicën. Chamaratsu ꞌaínbi cananuna anun ꞌatimati banati ꞌain. Usai banacë cupí nun sinánribi ꞌatima ꞌixun cananuna ñu ꞌatimaribi ꞌain. Usa ꞌixun ca anúnu ꞌatimati banacë ꞌixun nun bamati nëtë utámainun usabi nu ꞌimiti ꞌicën. Ñunshin ꞌatimanën ꞌapu anbi ca uni ꞌatimati banati sinánmia.

Santiago 4:1

¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu ꞌatimaquin sinani camina usai ꞌicanin.