Marcos 7:2 - Kashibo-Kakataibo Biblia

² Timë́xun ca Jesusan ꞌunánmicë unicama raírinën aín rara quiásabi oi ꞌiquinma, mëchucaxunmashi piia isacëxa.

Nukën 'Ibu Diosan ain unikama 'inan ain bana

² Timë́xun ca Jesusan 'unánmicë unicama raírinën aín rara quiásabi oi 'iquinma, mëchucaxunmashi piia isacëxa.

Marcos 7:2 ပူးပေါင်းရင်းမြစ်များ

Mateo 15:2

—¿Uisacasquin cara min ꞌunánmicë unicaman nucën rara quiá bana tanimin? A bana quiásabi oi ꞌiquinma ca mëchucaxunmashi piia.

Marcos 7:5

Usaquin sinánquin ca fariseo unibu ꞌimainun an Moisésnën cuënëo bana ꞌunáncë unicaman Jesús cacëxa: —¿Uisacasquin cara min ꞌunánmicë unicaman nucën chaitiocëcama quiá bana tanimin? Ca mëchucaxunmashi piia.

Hechos 10:28

Isquin ca atu cacëxa: —Mitsun camina ꞌunanin, ax quicësabi oía judíos unicama ꞌiti bana ca quia, judíos uníxa judíosma unibë timë́anan aín xubunu atsínti ca ꞌaisama ꞌicë quiax. ꞌËnribi a bana ꞌunáncë ꞌicëbi ca Nucën Papa Diosan uinu ꞌicë unibi, ꞌaisama ca quixun ñuixunma ꞌanun ꞌë ꞌunánmiaxa.

Hechos 11:8

Cacëxun cana can: ꞌËn ꞌIbu, cana ꞌaiman. Pitima ñu cana ꞌën uisa ꞌixunbi picëma ꞌain.

Romanos 14:14

Nucën ꞌIbu Jesúsnan ꞌixun cana ꞌunanin, camabi piti ñu piti ca asábi ꞌicë quixun. Usa ꞌaínbi ca a uni —Nucën Papa Diosan sinánëx ca a ñux pitima ꞌicë —quixun sinánquinbi picë ꞌaish ꞌuchati ꞌicën.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

Apocalipsis 21:27

Usa ꞌain ca anu ñu ꞌaisama ꞌitima ꞌicën, ui unix cara ꞌaisama ñu ꞌacë ꞌicë ꞌimainun ui unix cara cëmëia, usa unix ca anu ꞌitima ꞌicën. Ui unicamax cara Nucën Papa Diosan nëtënu ꞌitioquin aín anë Carnero ꞌicësaribitia unin ꞌucha cupí bama, aín quiricanu cuënëo ꞌicë, acamax cuni ca anu ꞌiti ꞌicën.