Marcos 7:15 - Kashibo-Kakataibo Biblia

¹⁵ An ñu aín cuëbitan picë cupí ca Nucën Papa Diosan uni upíma isima. Ama. Aín nuitu ꞌatima ꞌixun ꞌatima ñu ꞌanan ꞌatimati banacë, a cupí ca Nucën Papa Diosan uni upíma isia.

Nukën 'Ibu Diosan ain unikama 'inan ain bana

¹⁵ An ñu aín cuëbitan picë cupí ca Nucën Papa Diosan uni upíma isima. Ama. Aín nuitu 'atima 'ixun 'atima ñu 'anan 'atimati banacë, a cupí ca Nucën Papa Diosan uni upíma isia.

Marcos 7:15 ပူးပေါင်းရင်းမြစ်များ

Mateo 12:34

Mitsux ꞌatima ꞌixun uni paráncë ꞌaish camina mitsun raracama ꞌiásaribiti an uni picë runusaribi ꞌain. Unix ca aín nuitu mëúa sináncësaribi oi aín cuëbitan banaia. Mitsun nuitu ꞌaisama ꞌain camina ꞌatimati banain.

Mateo 15:16

Cacëxun ca Jesusan cacëxa: —¿Mitsúnribi caramina ꞌën cacëxun ꞌën bana cuatiman?

Marcos 7:14

Catancëxun ca ësaquinribi Jesusan cuënxun unicama cacëxa: —Camaxunbi ca ꞌën bana ñuimainun upí oquin cuat.

Marcos 7:16

An aín pabitan ënë bana cuacë unin ca aín nuitunënbi sinánquin cuati ꞌicën.

Hechos 10:28

Isquin ca atu cacëxa: —Mitsun camina ꞌunanin, ax quicësabi oía judíos unicama ꞌiti bana ca quia, judíos uníxa judíosma unibë timë́anan aín xubunu atsínti ca ꞌaisama ꞌicë quiax. ꞌËnribi a bana ꞌunáncë ꞌicëbi ca Nucën Papa Diosan uinu ꞌicë unibi, ꞌaisama ca quixun ñuixunma ꞌanun ꞌë ꞌunánmiaxa.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

1 Corintios 10:25

Mecama ꞌimainun menu ꞌicë ñucama ax ca Nucën ꞌIbu Diosan unio ꞌaish ainan ꞌicën. Usa ꞌain camina anuxun nami maruti anu ꞌicë nami maruxun piishiti ꞌain. Uinua bëcë cara quixun camina ñucátima ꞌain. —A pi sapi cana ꞌaisama ꞌiti ꞌai —quixun camina sinántima ꞌain.

Tito 1:15

Ënëx ca ësa ꞌicën. Ui unix cara aín sinan upí ꞌicë an ca ñu upíma isquinbi upí oquinshi sinania. Usa ꞌaínbi ca ui unix cara Nucën Papa Diosmi sináncëma ꞌianan aín sinan upíma ꞌicë, an upí ñu isquinbi ꞌatima ñuishi sinania. Aín nuitu ꞌaisama ꞌixun ca usa unin ꞌatimaquin sinania.

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.