Marcos 6:9 - Kashibo-Kakataibo Biblia

⁹ Taxaca upíiramashi camina tañubianti ꞌain, ꞌimainun camina a pañuti chupa rabë́ma achúshishi pañubianti ꞌain.

Nukën 'Ibu Diosan ain unikama 'inan ain bana

⁹ Taxaca upíiramashi camina tañubianti 'ain, 'imainun camina a pañuti chupa rabë́ma achúshishi pañubianti 'ain.

Marcos 6:9 ပူးပေါင်းရင်းမြစ်များ

Mateo 10:10

Camina burasa ió anun min ñu buánti bitima ꞌain. Camina rabë́ tari ꞌimainun bëtsi taxaca ꞌimainun min tsati buántima ꞌain. An unicama ꞌaquincë uni a ca a ꞌaquincë unin aín piti ꞌimainun aín cuëëncë ñu ꞌinánti ꞌicën. Usa ꞌain camina ñu buanima usashi cuanti ꞌain.

Mateo 3:11

Uníxa an ñu ꞌatima ꞌacëcama ëni sinanacë cupí cana ꞌën a ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi a buánxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënën ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Marcos 6:10

Ësaquinribi ca cacëxa: —Uinu ꞌicë unin xubunu caramina anu ꞌinux atsini, anuishi camina ñantan ñantan ꞌuxti ꞌain, anúnmi a ëmanuax cuanti nëtëa utámainun.

Marcos 6:8

Xuquin ca ꞌësëquin cacëxa: —Bain cuanquin camina ñu buántima ꞌain. Pán, burasa, curíquibi buánquinma camina tsatishi buánti ꞌain.

Hechos 12:8

Usai ꞌicëbëtan ca ángelnën cacëxa: —Mi cuanun ca anúnmi tsitëcërëquicë mëníonan min taxaca tañut. Usaquin cacë́xa mëníocatia ca ángelnën Pedro cacëxa: —Min tarin rabumëxun ca ꞌë nuibëtsin.

Efesios 6:15

—Cristo cupí nun ꞌucha tërë́ncë ꞌaish cananuna Nucën Papa Diosbë upí ꞌai —quixun uni ñuixunux mëníocacë ꞌaish camina suntárunëan aín taxaca tañucësa ꞌiti ꞌain.